جامبىل وبلىسىندا تۋريستەرگە ارنالعان سايت اشىلادى - فوتو

وڭىرلىك كاسىپكەرلەر پالاتاسى باسپا ءسوز قىزمەتىنىڭ حابارلاۋىنشا و ك پ باستاماسى بويىنشا قۇرىلعان جۇمىس توبى قۇرامىنا مەملەكەتتىك ورگاندار، تۋريستىك فيرمالار، قوناق ءۇي مەن مەيرامحانا بيزنەسىنىڭ وكىلدەرى، تاريحشىلار جانە جۋرناليستەر كىردى. ولار وبلىستاعى بارلىق تاريحي ورىندارعا بارىپ قايتتى.
700 شاقىرىمعا جۋىق قاشىقتىققا سوزىلعان اقپاراتتىق تۋردىڭ قورىتىندىسى ءوڭىر باسشىسى كارىم كوكىرەكبايەۆقا تانىستىرىلدى.
«كوپتەگەن نىسانداردىڭ جاعدايى، وعان بارعاندا كورسەتىلەر قىزمەتتىڭ دەڭگەيى كوڭىل كونشىتەرلىك ەمەس. تاريحي ورىندارعا باراتىن جولداردىڭ 90 پايىزى ناشار كۇيدە ەكەنى انىقتالدى. جامبىل وبلىسىنىڭ اكىمى بۇل ماسەلەنى اۋدان باسشىلىعى كومەگىمەن شەشپەكشى. بيىل جولدارعا قيىرشىق تاس توسەلەدى. كەلەسى جىلى وعان بيۋدجەتتەن قارجى قاراستىرىلادى. جول بويىنا اقپاراتتىق-تانىستىرۋ بەلگىلەر قويىلماعان. تاعى ءبىر كۇردەلى ماسەلە - قازاقشا جانە ورىسشا ءتۇسىندىرىپ بەرە الاتىن گيدتەردىڭ بولماۋى. اقپاراتتىق تۋردىڭ قورىتىندىسىمەن تانىس بولعان ءوڭىر باسشىسى وسى ماسەلەلەردىڭ شەشىلۋىنە ىقپال ەتۋگە ۋادە بەردى»، دەپ حابارلايدى و ك پ.
جامبىل وبلىسىندا قىزمەت ەتەتىن 20 دان استام ءىرى تۋريستىك فيرمالاردىڭ جارتىسىنا جۋىعى شەت ەلدەرگە بارۋ تۋريزمىمەن اينالىسادى ءارى ىشكى تۋريزمدى دامىتۋعا اسىعىستىق تانىتپاۋدا.
وسىنداي جۇمىس توپتارى جامبىل وبلىسىنىڭ ءاربىر اۋدانىندا قۇرىلادى. ول ءوز اۋدانىنداعى تۋريستىك نىسانداردى زەردەلەپ قويماي تۇتاس وبلىستاعى نىساندارعا دا كوڭىل اۋدارادى. ولار ءوڭىردىڭ تۋريستىك سالاسىنىڭ قازىرگى جاي-كۇيىن ناقتى سيپاتتايتىن پاراقشا جاسايدى.
وڭىرلىك كاسىپكەرلەر پالاتاسىنىڭ باسشىسى قارلىعاش ارالبەكوۆانىڭ ايتۋىنشا، و ك پ قوناق ءۇي، مەيرامحانالارعا شىنايى باعا بەرمەك. ولاردىڭ ۇزدىكتەرى تۋريستەرگە ارنالىپ جاسالاتىن سايتتا ورنالاستىرىلادى. وندا ءوڭىردىڭ تانىمال جەرلەرىمەن تانىسىپ، قوناق ءۇي نەمەسە ءدامحانا تاڭداۋعا بولادى. سونىمەن بىرگە وبلىستىڭ تولىققاندى تۋريستىك كارتاسى ازىرلەنەدى، وعان 48 نىسان ەنگىزىلمەك.
ستاتيستيكالىق مالىمەتكە سۇيەنسەك، وبلىس اۋماعىندا 3365 تاريحي ورىن بار بولسا، ونىڭ 731 ءى جەرگىلىكتى، 28 ءى رەسپۋبليكالىق ماڭىزى بار مەملەكەتتىك تىزىمگە ەنگىزىلگەن. سونداي-اق، 5 نىسان يۋنەسكو كولەمىندە قورعاۋعا الىنعان. ولار - اقتوبە، قۇلان، ورنەك، قوستوبە جانە اقىرتاس.