قىرعىزستاننىڭ شۋ وبلىسىندا توتەنشە جاعداي جاريالاندى

استانا. قازاقپارات - تولاسسىز جاۋعان جاڭبىردىڭ سالدارىنان ايماقتا لاي كوشكىنى مەن سەل جۇرگەن.

قۇتقارۋشىلاردىڭ ايتۋىنشا، 20 دان اسا ءىرى مال قىرىلىپ، مەكتەپ اۋلاسى مەن ءبىرقاتار جولدى سۋ باستى، دەپ حابارلادى www.24.kz.

جينالعان قاردى ءتۇسىرۋ ءۇشىن قۇتقارۋشىلار بىشكەك پەن وش اراسىنداعى ستراتەگيالىق تاسجولدىڭ بويىنداعى تاۋ بەتكەيلەرىن زەڭبىرەكتەرمەن اتقىلاپ جاتىر. وش وبلىسىندا دا سەل ءجۇرىپ، قۋاتتى اعىن بويجەتكەندى اعىزىپ اكەتكەن. وقيعا ورنىنا جەتكەن توپ ارنايى قۇرالداردىڭ كومەگىمەن قىزدى سۋدان شىعارىپ الدى. قازىر ماماندار تابيعي اپاتتىڭ سالدارىن جويۋعا كىرىستى.

«سەل ءجۇرۋ قاۋپى تۋرالى الدىن الا ەسكەرتكەنبىز، سول سەبەپتەن اۋدانداعى ازاماتتىق قورعانىس كۇشتەرى بىردەن ارەكەت ەتتى. ازاماتتىق قورعانىس كوميسسياسى قازىر ەكى باعىتتا جۇمىس ىستەپ جاتىر»، - دەدى ق ر ت ج م جەدەل قيمىل باسقارماسىنىڭ جەتەكشىسى ۋرماتبەك شامىركانوۆ.