الماتىدا ەسىرتكى شەگىپ رەيسكە شىققان ۇشقىشقا قارسى سوت پروتسەسى باستالدى

الماتى. قازاقپارات - الماتىدا تۇركسىب اۋداندىق سوتىندا ەسىرتكى شەگىپ رەيسكە شىققان ۇشقىش رومان بىكوۆقا قارسى سوت پروتسەسى باستالدى.

بۇل تۋرالى قالالىق سوتتىڭ باسپا ءسوز قىزمەتى حابارلادى.

«ەير استانا» اۋە كومپانياسىنىڭ ۇشقىشى رومان بىكوۆ ق ر 286-بابىنىڭ 1-بولىمىمەن، 296-بابىنىڭ 2-بولىمىمەن، 358-بابىنىڭ 1-بولىمىمەن قاراستىرىلعان قىلمىستىق ارەكەتى ءۇشىن ايىپتالىپ وتىر.

مەملەكەتتىك ايىپتاۋشىنىڭ ايتۋىنشا، 2016 -جىلدىڭ اقپانىندا سوتتالۋشى بەلگىسىز ادامنان كەپتىرىلگەن ماريحۋانا ساتىپ العان.

1 -ناۋرىزدا كەدەندىك باقىلاۋدان وتكەن سوڭ «الماتى- ماسكەۋ» باعىتىنداعى رەيستى باسقارۋعا وتىرعان.

ۇشۋ بارىسىندا كەپتىرىلگەن ەسىرتكىنى وزىمەن بىرگە تاسىمالداپ الىپ كەلگەن.

 2 -ناۋرىزدا ەسىرتكىگە ماس كۇيدە الماتى اۋەجايىن كەلىپ قونعان.

رەيس كەلگەن سوڭ الماتى قالالىق مەملەكەتتىك كىرىس دەپارتامەنتىنىڭ ەكونوميكالىق تەرگەۋ قىزمەتىنىڭ وكىلدەرى اۋەجايدا ۇشقىشتى ۇستادى.

جۇرگىزىلگەن مەديتسينالىق ساراپتاما ونىڭ قانىندا ەسىرتكى زاتىنىڭ بارىن انىقتاعان.

سوتتىڭ كەلەسى وتىرىسى 25 ساۋىرگە قالدىرىلدى.

اۆتور: گۇلميرا عوسمانالي