باتىس قازاقستاننىڭ اكىمى ەمحانالار قىزمەتىن ءبىر اپتا ىشىندە جولعا قويۋدى تاپسىردى - فوتو
بۇل تۋرالى ب ق و اكىمدىگىندە وتكەن كەڭەستە ايتىلدى.
وبلىس اكىمى التاي كولگىنوۆتىڭ اتاپ وتكەنىندەي، ەلباسىمىز مەديتسينالىق قىزمەتتىڭ ساپاسىن ارتتىرۋ ماسەلەسىن ۇنەمى نازاردا ۇستاپ كەلەدى. بۇل باعىتتا مەملەكەت تاراپىنان از قولداۋ كورسەتىلىپ وتىرعان جوق. «سالاماتتى قازاقستان» باعدارلاماسى اياسىندا ءبىراز جۇمىس اتقارىلۋدا. جاڭادان ەمدەۋ عيماراتتارى سالىنۋدا.
مىسالى، بيىل ورالدا قالالىق كوپبەيىندى اۋرۋحانا پايدالانۋعا بەرىلمەكشى. الايدا سوعان قاراماستان، دەنساۋلىق ساقتاۋ سالاسىندا قوردالانعان ماسەلەلەر بارشىلىق. «كەشە ورال قالاسىنداعى بىرنەشە ەمحانانى ارالاپ شىقتىم. ەمدەلۋشىلەرمەن كەزدەسىپ، تىلدەسكەندە، بۇل مەكەمەلەردە تۇرعىندارعا قىزمەت كورسەتۋ ساپاسىنىڭ ناشار ەكەنى بەلگىلى بولدى. اسىرەسە، №6 -قالالىق ەمحانادا كوپ شاعىم ايتىلدى. ەلەكتروندى كەزەكتىڭ ءتارتىبى ساقتالمايدى. كابينەتتەر سانىن كوبەيتۋ كەرەك. مەديتسينالىق كىتاپشانى نەگە ەمدەلۋشىلەر ىزدەپ ءجۇرۋى ءتيىس، ونى سونداعى قىزمەتكەرلەر تىركەپ، تاۋىپ بەرۋگە ءتيىس ەمەس پە؟ وبلىس ورتالىعىنداعى دەنساۋلىق ساقتاۋ نىساندارىنىڭ جاي- كۇيى وسىنداي بولعاندا، اۋدان- اۋىلدارداعى ەمدەۋ مەكەمەلەرىنىڭ جاعدايىن شامالاي بەرۋگە بولادى. حالىققا قىزمەت كورسەتۋ ورتالىعىندا قولدانىلاتىن ء«بىر تەرەزە» قىزمەتىن نەگە ەنگىزبەسكە؟! قاجەتتى قاراجاتتى بولەيىك.
ەكى- اق دارىگەر قىزمەت ەتەتىن كابينەتتە قىرىقتان استام كىسى كەزەكتە تۇرادى. تۇرعىندار ۋاقىتىندا كەلمەگەن دارىگەردى سارىلىپ كۇتەدى. بۇلاي بولماۋى ءتيىس. دارىگەر ەمدەلۋشىنى بەلگىلەنگەن ۋاقىتتا قابىلداۋى كەرەك. ەمحانالاردا ەلەكتروندى كورسەتكىش تاقتا ورناتىلسىن»، - دەدى اكىم.
بۇدان كەيىن ءوڭىر باسشىسى وبلىستىق دەنساۋلىق ساقتاۋ باسقارماسىنىڭ باسشىسى قاميدوللا يرمەنوۆكە وسى ماسەلەنى ءبىر اپتانىڭ ىشىندە شەشۋدى تاپسىردى. سونداي-اق اۋدان اكىمدەرىنە اۋىلدارداعى دەنساۋلىق ساقتاۋ مەكەمەلەرىندەگى قىزمەت ساپاسىن باقىلاۋ قاجەتتىگى ەسكەرتىلدى.
كەڭەستە باسقا دا ماسەلەلەر قارالدى.
جيىن سوڭىندا وبلىس اكىمى قالانىڭ سانيتارلىق تازالىعىن ساقتاۋعا وزدىگىمەن قاتىسىپ، ازاماتتىق تانىتىپ جۇرگەن الەكسەي اگافونوۆتى كوپكە ۇلگى ەتىپ، العىسحات تابىس ەتتى.
اۆتور: ەلجان ەرالى
