17:35, 19 - ءساۋىر 2016 | GMT +5
تاۋلىگىنە ەكى رەت سۋ شايىپ وتەتىن تاڭعاجايىپ جول - فوتو
استانا. قازاقپارات - پاسساج ديۋ گۋا - فرانسيانى نۋارمۋتە ارالىمەن بىرگە قۇرلىققا جالعاپ جاتقان جول.
تاۋلىگىنە ەكى رەت سۋ شايىپ وتكەننەن كەيىن جول بىرنەشە ساعاتقا اشىق بولادى. قالعان ۋاقىتتا ونىڭ ۇستىنە اعاتىن سۋ دەڭگەيى ءتورت مەترگە دەيىن جەتەدى.
بۇل تۋرالى bigpicture.ru حابارلايدى، - دەپ جازادى stan.kz.
قۇرلىق پەن ارال اراسىن جالعايتىن جالعىز جول كارتادا العاش رەت 1701 -جىلى پايدا بولعان. 1840 -جىلى ونىڭ ۇستىنە تاعى دا جول توسەلدى.
قازىرگى تاڭداعى ۇزىندىعى 4,5 شاقىرىم. جول سونشالىقتى ۇلكەن بولماسا دا، ونى ءجۇرىپ ءوتۋ ۇلكەن تاۋەكەلدى قاجەت ەتەدى.
ەكى تاراپتا تۇرعان ءتۇرلى قاۋىپسىزدىك بەلگىلەرىنە قاراماستان ادامدار وعان ءمان بەرمەي كەز- كەلگەن ۋاقىتتا جۇرە بەرەدى.
وقىس جاعدايعا تاپ بولعان ادامدار ءۇشىن ارنايى قۇتقارۋشى مۇنارالار تۇرعىزىلعان.
