17:19, 19 - ءساۋىر 2016 | GMT +5
ەرلەر مەن ايەل ميىنىڭ جۇمىس ىستەۋ ايىرماشىلىقتارى انىقتالدى
استانا. قازاقپارات - ۇلى بريتانياداعى سۋررەيا ۋنيۆەرسيتەتىنىڭ بيولوگتارى ءتۇس كورۋ مەن ۇيقى جۇيەسىنىڭ بۇزىلۋى ەر ادامدارعا قاراعاندا ايەل ادامدارعا كەرى اسەر ەتەتىنىن انىقتادى.
بۇل، اسىرەسە، تۇنگى ۋاقىتتا جۇمىس ىستەيتىن دارىگەرلەر مەن كۇزەتشىلەر، پوليتسيا قىزمەتكەرلەرىنە قاتىستى.
زەرتتەۋگە تۇنگى ۋاقىتتا جۇمىس ىستەيتىن 16 ەر ادام مەن 18 ايەل ادام قاتىستى. سونداق-اق، ولاردان كوگنيتيۆتى مۇمكىندىكتەرىن باعالايتىن تەست الىندى. تەست ناتيجەسى بويىنشا ولاردىڭ نازار اۋدارۋى، ەستە ساقتاۋ قابىلەتى تەكسەرىلدى. زەرتتەۋشىلەر ەلەكتروەنسەفالوگراممانىڭ كومەگىمەن ۇيىقتاپ جاتقان قاتىسۋشىلاردىڭ مي جۇيەسىنىڭ بەلسەندىلىگىن انىقتاپ كوردى.
ناتيجەسىندە ۇيقى جۇيەسىنىڭ اۋىسۋى ەرلەر مەن ايەلدەردىڭ كوگنيتيۆتى مۇمكىندىكتەرىنەن گورى سەزىمتالدىعىنا اسەر ەتەتىنى انىقتالدى. سونىڭ ىشىندە ەر ادامدارعا قاراعاندا ايەلدەرگە كوبىرەك اسەر ەتەتىن بولىپ شىقتى. مۇنداي اسەرلەر ادەتتە ادامنىڭ جۇمىس ۋاقىتىنان سوڭ بايقالۋى ءتيىس ەكەن.
