بايان نۇرمىشەۆا ءوزىن بالاعاتتاعان بويجەتكەنگە ولەڭمەن جاۋاپ قايتاردى
ەلىمىزگە تانىمال ءانشى بايان نۇرمىشەۆا ءوزىن جەلىدە «مامبەت» دەپ بالاعاتتاعان ايگەرىم ۇسەنبايەۆا ەسىمدى بويجەتكەنگە جاۋاپ بەردى.
ءانشى جانجال شىعارماستان، تاڭجارىق اقىننىڭ ولەڭى ارقىلى ءوز ويىن جەتكىزۋگە تىرىسقان. مۇنىمەن قاتار، ءوزىن بالاعاتتاعان بويجەتكەنگە ساۋاتتىراق بولۋعا كەڭەس بەردى.
"سوزدەرىمنەن ءسان كەتسە دە، ءمان كەتپەيدى،
تاكاپپارلىق ەشكىمدى ماڭگى ەتپەيدى.
ءبىر اتادان تارايتىن ەكى قازاق،
ءبىرىن- ءبىرى مەنسىنبەي - "مامبەت!" دەيدى.
ءىشىم كۇيدى، ايتپايمىن ەسىرىپ وي،
بۇنىڭ ءبارى "قۇلدىق سانا" كەسىرى عوي.
"مامبەت" دەگەن مازاقتايتىن سوزدەن ەمەس،
قىسقارتىلعان پايعامباردىڭ ەسىمى عوي.
سويلەپ ءجۇرسىز، قىزارماي ءبىر بەتىڭىز،
ودان دا، سول پەندەنى ۇلگى ەتىڭىز.
"مامبەتتەردى" ەرەكشە قۇرمەتتەيىك،
ءبارىمىز دە مۇحاممەدتىڭ ۇممەتىمىز!
م تاڭجارىق"، - دەگەن ولەڭ جولدارىن جازدى ءانشى.
جەلى قولدانۋشىلارى دا انشىگە قولداۋ كورسەتىپ، «اتا- اناسى جوق قىز با؟ ءوز اناسىن سولاي ايتسا قانداي كۇيدە بولادى ەكەن؟»، «ادەپتى جاۋاپ جازىپسىز. بايان حانىم، تاربيەلى بولۋدىڭ ۇلگىسىن كورسەتىڭىزشى» سىندى پىكىرلەر بىلدىرگەن.
