راكتىڭ ەمى ارادان تابىلدى
تۇركيانىڭ ەرجيەس ۋنيۆەرسيتەتىنىڭ مەديتسينا فاكۋلتەتىنىڭ پروفەسسورى، دوكتور ءالى ءۇنال ءار ادامنىڭ دەنەسىندە ۇنەمى راك جاسۋشالارى پايدا بولىپ وتىراتىنىن ايتادى.
الايدا يممۋنيتەت جۇيەسى كۇشتى ادامدار دەنەدەگى بۇل جاسۋشالاردى ءولتىرىپ وتىرادى. ال يممۋنيتەت جۇيەسى ءالسىز ادامدار بۇل جاسۋشالارمەن كۇرەسە الماعاندىقتان، كوبىنە راك اۋرۋىنا شالدىعىپ جاتادى. يممۋنيتەت جۇيەسىنىڭ بۇزىلۋى، السىرەۋى، باياۋلاۋى، رەاكسيا تانىتا المايتىنداي جاعدايعا كەلۋى سەكىلدى سەبەپتەردەن قوعامدا راك اۋرۋىنا شالدىعۋ ءقاۋپى جوعارىلاي بەرەدى. يممۋنيتەتتەگى مۇنداي قۇبىلىستار كوبىنە جاس ۇلعايعان سايىن بايقالا باستايدى.
«جاستاردا دا راك اۋرۋىنا شالدىعۋ ءقاۋپى بار. ادام كەز- كەلگەن جاستا راك اۋرۋىنا شالدىعا الادى. تەك جاس ۇلعايعان كەزدە بۇل قاۋىپ ارتا تۇسپەك. راكتان قورعانۋ جانە بۇل اۋرۋدى جەڭۋ ءۇشىن ەڭ ماڭىزدى ماسەلە اعزانىڭ يممۋنيتەت جۇيەسىن كۇشەيتۋ. ارانىڭ ۋىنان باستاپ، پروپوليسى، ءسۇتى، سەكىلدى ارا ونىمدەرى اعزانىڭ يممۋنيتەتتىك جۇيەسىن كۇشەيتەتىن ەڭ تابيعي جانە ەڭ قۋاتتى زاتتار. ال راكقا قارسى قولدانىلىپ جۇرگەن ەمدەر، دارىلەر، حيمياتەراپيا، راديوتەراپيالار اعزانىڭ يممۋنيتەتتىك جۇيەسىن قاتتى السىرەتەدى. اعزانىڭ اۋرۋعا قارسى كۇرەس كۇشىن ارتتىرۋ ءۇشىن، جاسۋشالاردىڭ راك جاسۋشالارىنا قارسى كۇرەسە الۋى ءۇشىن اعزا قورعانىس جۇيەسىن كۇشەيتەتىن زاتتارعا مۇقتاج. ارا ۋى بولسا، بۇلاردىڭ ىشىندەگى ەڭ ماڭىزدىلاردىڭ قاتارىنان ورىن الادى. يممۋنيتەتتىك جۇيە كۇشەيگەندە ءارى راك اۋرۋىن جەڭەدى ءارى راكتىڭ قايتا شىعىپ جايىلۋىنىڭ الدىن الادى»، - دەيدى پروفەسسور.
«ۇلت اقپارات»
