استانادا وتاندىق تاۋارلاردىڭ «قازاقستاندا جاسالعان» كورمە- جارمەڭكەسى وتەدى

 استانا. قازاقپارات - ق ر ي د م- ءنىڭ «NADLoC»  جەرگىلىكتى قامتۋدى دامىتۋدىڭ ۇلتتىق اگەنتتىگى» ا ق استانا قالاسىندا 23-24 - ءساۋىر كۇندەرى «Astana Mall» س و و- دا وتەتىن وتاندىق تاۋارلاردىڭ «قازاقستاندا جاسالعان» كورمە- جارمەڭكەسىن وتكىزەدى، دەپ حابارلادى اگەنتتىكتىڭ باسپاءسوز قىزمەتى.

  وندا رەسپۋبليكانىڭ بارلىق وڭىرىنەن كەلەتىن 60-تان استام كومپانيا وزدەرىنىڭ وتاندىق ونىمدەرىن تومەنگى باعامەن ۇسىناتىن بولادى. بۇل جارمەڭكە وسىمەن ەكىنشى رەت وتكەلى وتىر جانە 2015 -جىلمەن سالىستىرعاندا قاتىسۋشىلاردىڭ سانى ايتارلىقتاي كوبەيمەك.

 جارمەڭكەدە مىناداي ءونىم تۇرلەرى ۇسىنىلاتىن بولادى: ايەلدەرگە، ەرلەرگە جانە بالالارعا ارنالعان كيىمدەر، اياق- كيىم، شۇلىق- ۇيىق بۇيىمدارى، ءۇي توقىماسى، تۇرمىستىق حيميا، كەرەك- جاراق زاتتار، كوسمەتيكا، بالالارعا ارنالعان ويىنشىقتار، سونداي- اق ازىق- تۇلىك ونىمدەرى.

«قازاقستاندىق ءونىمدى تاڭداي وتىرىپ، ءبىز مىڭداعان ادامدارعا وزدەرىنىڭ جۇمىس ورىندارىن ساقتاپ قالۋعا، ەلدىڭ دامۋىنا ءوز ۇلەسىن قوسۋعا كومەكتەسەمىز!»، - دەلىنگەن حابارلامادا.