قاراعاندىنىڭ بۇرىنعى اكىمى م. سماعۇلوۆ تۇرمەدەن مەرزىمىنەن بۇرىن بوساتىلدى
دەپ حابارلادى «قازاقپارات» ءتىلشىسى.
«سوتتالعان م. سماعۇلوۆتىڭ سوت تاعايىنداعان جازادان شارتتى تۇردە مەرزىمىنەن بۇرىن بوساتىلۋى تۋرالى ءوتىنىشى قاناعاتتاندىرىلسىن»، - دەلىنگەن قاراعاندى ق. قازىبەك بي اۋداندىق سوتىنىڭ قاۋلىسىندا.
قۇجاتتا كورسەتىلگەندەي، وتەلمەگەن ۋاقىت 5-اي 18 كۇندى قۇرادى. بۇل مەرزىمدە سوت پروباتسيالىق باقىلاۋ ورناتتى.
سوت م. سماعۇلوۆتىڭ تاعايىندالعان جازانىڭ جارتىسىن وتەگەنىن جانە بوستاندىعىنان ايىرۋ ورىندارىندا ءتارتىپ تانىتقانىن ەسكەردى.
قاۋلىعا سايكەس، ەكس- اكىم قاراعاندى وبلىسى بويىنشا ق ا ج د ا ك-159/1 تۇزەتۋ مەكەمەسىندە جازاسىن وتەۋ كەزىندە شارۋاشىلىق قىزمەت كورسەتۋ جاساعىنىڭ اباتتاندىرۋشى جۇمىسشىسى بولىپ جۇمىس ىستەدى. جازاسىن وتەۋشى 8 - ناۋرىز - حالىقارالىق ايەلدەر كۇنى مەن ناۋرىز مەيرامىنا ارناپ كونسەرتتەر مەن سپورتتىق شارالار ۇيىمداستىرعانى ءۇشىن ماداقتالعانى اتالىپ ءوتىلدى.
وتىنىشكە شارۋا قوجالىعى باسشىسىنىڭ حاتى قوسا بەرىلدى. فەرمەر سوتقا م. سماعۇلوۆ بوساعان سوڭ ونى ءوز مال ءوسىرۋ فەرماسىنىڭ باسقارۋشىسى رەتىندە جۇمىسقا الۋعا دايىن ەكەنىن حابارلادى.
سوت قاۋلىسى زاڭدى كۇشىنە ەنبەدى جانە اپەللياتسيالىق ينستانتسياعا وعان قاتىستى شاعىمدانۋعا بولادى.
***
قاراعاندى قالاسى - وبلىستىڭ ءىرى يندۋستريالدى- ونەركاسىپتى، عىلىمي جانە مادەني ورتالىعى بولىپ تابىلادى. 1934 -جىلعى 10 - اقپاندا قاراعاندى قالا بولىپ قايتا قۇرىلدى. قالا اۋماعى 543,3 شارشى كيلومەترگە تەڭ. قالا حالقىنىڭ سانى 2007 - جىلعى 1 - قاڭتاردا 453.4 مىڭ ادامدى قۇرادى.
