نيۋ-يورك قالاسى قازاق قىزىنىڭ كوزىمەن - فوتو
ءبىز وسى بلوگتى قازاقشاعا اۋدارىپ، وقىرماندار نازارىنا ۇسىنۋدى ءجون سانادىق.
نيۋ-يورك تۋرالى
مەن ا ق ش- تىڭ نيۋ-يورك قالاسىندا تۇرامىن. بۇل جاققا «بولاشاق» باعدارلاماسىنا وقۋعا كەلگەنمىن. العاشقى 1,5 جىل چيكاگودا ءتىل كۋرسىن وقىدىم. كەيىننەن كولۋمبيا ۋنيۆەرسيتەتىنە وقۋعا ءتۇستىم. ول جەردە «قولدانبالى ماتەماتيكا» ماماندىعى بويىنشا ءبىلىم الىپ جاتىرمىن. وسى جىلدىڭ مامىر ايىندا وقۋىمدى بىتىرەمىن.
قازىرگى كەزدە Pree Line ستارت-اپ كومپانياسىندا تاعىلىمدامادان ءوتىپ ءجۇرمىن. بۇل پلاتفورما ءسان يندۋسترياسىنىڭ الاڭى بولىپ تابىلادى. مەن بۇل جەردە ساراپشى بولىپ جۇمىس ىستەيمىن.
ءبىزدىڭ ۋنيۆەرسيتەتتىڭ كامپۋسى ۆەست سايدتىڭ جوعارى جاعىندا ورنالاسقان. وقۋ وتە قارقىندى، ءبىراق قىزىقتى. ۇيگە كوپ تاپسىرما بەرەدى. كەيدە ءتىپتى تاماق ىشۋگە ۋاقىت بولا بەرمەيدى. ماعان ۋنيۆەرسيتەتتىڭ ستۋدەنتتەرگە ارنالعان كوپتەگەن شارالار ۇيىمداستىرىپ، ۋاقىتتارىن قىزىقتى وتكىزۋگە تىرىساتىندارى ۇنايدى.
بارلىق ستۋدەنتتەر تەگىن كوفە-برەيك بەرەدى. كاراوكە ۇيىمداستىرادى. ال سوڭعى ەمتيحانعا دەيىن ءبىر اپتا بويى كىتاپحانادا تۇنگى 12 دە وركەستر كەلىپ، ستۋدەنتتەردىڭ الدىندا ونەر كورسەتەدى. كەلەسى كۇنى بارلىق ستۋدەنتتەر كامپۋس ايماعىنا بارىپ، كۇرەس ۇيىمداستىرادى. بۇل داستۇرگە اينالدىرعان.
ماتەماتيكادان بەرەتىن پروفەسسورلارىمنىڭ ءبىرى ماعان فيلم تۇسىرۋگە كومەكتەستى. ول كينو «يگرى رازۋما» دەپ اتالادى. فيلمدە جازىلعاننىڭ بارلىعى سوعان ارنالعان. كادردە ءتىپتى ونىڭ قولتاڭباسىن كوردىم. ونىڭ ساباق بەرۋدەگى ءتاسىلى وتە قىزىقتى. ستۋدەنتتەرگە ساباقتى تۇسىندىرگەندە كىتاپتان وقىپ بەرمەي، باسقاشا ايتۋعا تىرىسادى. كەيدە مەن ونى وپەرا نەمەسە بالەتكە شاقىرامىن. ءبىراق ول ءارقاشان باس تارتادى. ويتكەنى ەشقاشان بۇل ونەردى تۇسىنگەن ەمەس. وپەرا نەمەسە بالەتتە وتىرۋ ول ءۇشىن قىزىقسىز. ول ايتادى: «مىنە، ءوز تاقتاما قاراپ تۇرمىن. مەن ءۇشىن تەورەمانى دالەلدەپ شىعۋ - ناعىز سۇلۋلىق، ناعىز ونەر» دەيدى. مۇنداي ادامدار پايدالى نارسەگە قول جەتكىزۋگە ۇمتىلادى.
جىل سايىن ەكى رەت كوشباسشىلار فورۋمى وتەدى. وعان ءاربىر ەلدىڭ پرەزيدەنتتەرى كەلەدى. فورۋمعا قاتىسۋ ءۇشىن تىركەلۋ قاجەت. الەم ەلدەرىنىڭ باسشىلارىن بەتپە-بەت كورىپ، ءتىپتى سۇراق قويۋۋعا مۇمكىندىك بولادى.
مەن قازاقستاننان كەلگەن قىزدارمەن بىرگە پاتەر جالداپ تۇرامىن. بارلىعىمىز ءبىر ۋنيۆەرسيتەتتە وقيمىز. ەمتيحان كەزىندە ءبىر اپتا بويى ولاردى كورمەي قالاتىن ساتتەر بولادى. ال ەمتيحاندى ويداعىداي تاپسىرعان سوڭ، ەكى-ءۇش ساعات وتىرىپ، شاي ءىشىپ، اڭگىمەلەسەمىز.
نيۋ-يوركقا العاش كەلگەن كەزدە كورگەنىمنەن كوپ نارسە كۇتكەن بولاتىنمىن. تەلەديداردان كورگەنمەن، ءوزىڭ بارىپ كورگەن مۇلدەم باسقا.
نيۋ-يوركتا ءار ءتۇرلى مۋزەيلەردىڭ بولعانىنا ريزامىن. ءبىزدىڭ ۋنيۆەرسيتەتتىڭ ستۋدەنتتەرىنە بارلىق مۋزەيگە بارۋ تەگىن. ەڭ ۇلكەن مۋزەي - مەتروپوليتەن. ول جەردە ءار ءتۇرلى كورمەلەر ءوتىپ تۇرادى. سونداي-اق قازىرگى زامانعى ونەر مۋزەيى بار. وسى مۋزەيدىڭ ارقاسىندا پابلو پيكاسسو تانىمال بولعان. سەبەبى اتالعان مۋزەي ونىڭ «اۆينونسكيە ديەۆيتسى» اتتى كارتيناسىن ساتىپ الىپ، وزدەرىنە قويعان. سونىڭ ارقاسىندا پابلو الەمگە تانىمال بولدى.
بۇل قالادان كىمدى قالاساڭ سونى كورۋگە بولادى. مەنىڭ اعام لان دەل رەيدى كورىپتى. ءبىز ءبىر رەت ۋنيۆەرسيتەتتە كەزدەسۋ ۇيىمداستىرعاندا بيلل كلينتون كەلىپ قاتىستى. سونداي-اق باراك وباما كەلىپ، ءسوز سويلەگەن بولاتىن.
نيۋ-يوركقا كەلگەن ادامداردىڭ كوبىسى قالا كىر، تىنىش ەمەس دەپ شاعىمدانىپ جاتادى. ويتكەنى، قالادا 8,5 ميلليون ادام تۇرادى. ۋاقىت وتە كەلە نيۋ-يوركقا تەز بەيىمدەلىپ كەتەسىڭ. سوسىن جاقسى كورە باستايسىڭ. مەترو لاس بولعانىمەن، وتە ءتيىمدى. ا نۇكتەسىنەن ب نۇكتەسىنە جەتۋگە وتە ءتيىمدى لوگيستيكا.
تاماقتارى جايلى
مەن جەرگىلىكتى مەيرامحانالاردى وتە جاقسى كورەمىن. بۇل جاقتا ءدامدى ەفيوپيا، كورەيا تاعامدارى بار. شىنى كەرەك، قازاق اسحاناسىن كورگەن جوقپىن. الايدا وزبەك اسحاناسى بار. ءبىز تاماق جاعىنان اسا قينالمايمىز. ويتكەنى، كوبىنەسە تاماقتى ۇيدە دايىندايمىز.
مەيرامحانالاردا ۇستەلدەر ءبىر-بىرىنە جاقىن ورنالاسقان. سوندىقتان قاسىندا وتىرعانداردىڭ اڭگىمەسى ەستىلىپ تۇرادى.
ەڭ ءدامدى مەيرامحانا تومەنگى مانحەتتەندە ورنالاسقان. يتالياندىق La Lanterna دي ۆيتتوريو مەيرامحاناسى بار. ول جەردە ءدامدى لازانيۋ، كارپاچو پىسىرەدى. مەن ناۋبايحانانى جاقسى كورەمىن. اسىرەسە Dominique Ansel Bakery ناۋبايحاناسىن ايتۋعا بولادى. ولار پونچيك-كرۋاسساندى ويلاپ تاپقان. ال ءدامدى بەلگيالىق ۆافليدى Le Pain Quotidien جەلىلىك كافەسىنەن جەدىم.
مۇندا ادامدار برانچتى جاقسى كورەدى. برانچ - بۇل تاڭعى جانە تۇسكى اس ارالىعىندا بولادى. ونى تەك سەنبى جانە جەكسەنبى كۇنى عانا ساتادى.
امەريكالىقتاردىڭ كوبىسى جىلقى ەتىن پايدالانۋعا قارسى. ال كەيبىرى جىلقى ەتىنىڭ ءدامىن تاتقىسى كەلەدى. مەنىڭ ءبىر قۇربىم بار. ول فرانسۋز جىگىتىنە تۇرمىسقا شىقتى. ال وعان جىلقى ەتىنەن تاعايىندالاتىن تاعامدار ۇنايدى.
ءبىر قىزىعى، ول تۇسكى اس كەزىندە تاماقتى از ىشەدى. ال كەشكى اس كەزىندە كەرسىنشە كوپ جەيدى.
ادامدارى جايلى
نيۋ-يورك قالاسىنداعى ەڭ تاڭعاجايىپ ورىن - Central Park. بارلىق ادامدار سوندا بارىپ دەمالادى، جۇگىرەدى. ادامداردىڭ كوبىسى سپورتپەن اينالىسادى. ءتىپتى جۇگىرىپ جۇرگەندەردىڭ اراسىنانان اياعى اۋىر كەلىنشەكتەردى كورۋگە بولادى.
كوبىسى «ورگانيكالىق» دەگەن سوزگە تاۋەلدى. ادامداردىڭ كوبىسى تاماقتى حيميالىق گ م و (گەنەتيكالىق موديفيكاتسيالانعان ورگانيزمدەر) قوسپاسىز جەۋگە تىرىسادى. ءبىراق مۇنداي تاعامدار وتە قىمبات تۇرادى.
نيۋ-يورك تۇرعىندارى وتە مەيىرىمدى. وڭتۇستىك جاعىندا حالىق ءتىپتى مەيىرىمدى بولىپ كەلەدى دەگەندى ەستىدىم. بالكىم ولار وزدەرىنىڭ شىنايى مىنەز-قۇلىقتارىن كورسەتپەيتىن شىعار. الايدا ولار ەشقاشان بىرەۋدىڭ ارىن قورلايتىن سوزدەر ايتپايدى.
بۇل قالا الەمدەگى ءسان ورتالىعى بولىپ سانالادى. ءبىراق ادامداردىڭ كوپشىلىگى قاراپايىم كيىنگەندى جاقسى كورەدى. مىسالى، مەن ۋنيۆەرسيتەتتە قازاقستاندا قاراپايىم سانالاتىن كيىمدى كيەمىن. سونىڭ ءوزى ولارعا باسقاشا كورىنەدى. سەبەبى، ءبىر توپتا وقيتىن ستۋدەنتتەر قانداي مەرەكەلىك شاراعا بارا جاتسىڭ دەپ سۇراي باستايدى.
مەن بىردە قازاقستاندىق ديزاينەر Catreen Design-ءنىڭ ونىمدەرىن الىپ كەلدىم. ول كيىمدەردى كيىزدەن تىگەدى. ول كيىمدەردى كوشەگە كيىپ شىققاندا، بارلىعى قايدان ساتىپ الۋعا بولادى دەپ سۇراپ جاتادى.
مەنىڭ قازاقستانعا بارىپ كەلگەن ءبىر دوسىم بار. ول الماتىنى جاقسى كورىپ قالعان. نيۋ-يورككە كەلگەندە ادامداردىڭ قاراپايىم، كوڭىلدى ەكەنىن ايتتى. سونداي-اق تاعى افروامەريكاندىقتى تانيمىن. ول ك ي م ە پ-كە ءبىر باعدارلاما بويىنشا كەلىپ وقىعان. بۇل جىگىت ءتىپتى الماتىدا مەن بولماعان جەرلەرگە بارىپتى. ءبىزدىڭ ەلگە وتە ريزا بولىپ كەلدى.
مەن ستۋدەنتتىك ۇيىم قازازليانستىڭ مۇشەسىمىن. ءبىز امەريكاداعى قازاقستان كونسۋلدىعىندا ءار ءتۇرلى شارالار وتكىزىپ تۇرامىن. بىلتىرعى جىلى ناۋرىز مەيرامىن اتاپ ءوتتى. وعان 300 ادام كەلىپ قاتىستى. ولاردىڭ اراسىندا ەلشىلەر، كونسۋلدار جانە ت. ب ادامدار بولدى. بيىل تاعى تويلاۋدى جوسپارلاپ وتىرمىز. وعان قازاقستاننان قىدىرالى، قاراقات جانە «ۇلىتاۋ» توبىن شاقىردىق. بۇل كونسەرتتى قازاق دياسپوراسى مەن كونسۋلدىعى ۇيىمداستىرادى.
نيۋ-يوركتە ءومىر تەز قارقىندى. سوندىقتان ۋاقىتتى ءتيىمدى پايدالانۋدى ۇيرەنۋدى تالاپ ەتەدى.
وقۋىمدى بىتىرگەن سوڭ، قازاقستانعا كەلىپ جۇمىس ىستەيتىن بولامىن.
Baq.kz
