ايسۇلتان نازاربايەۆ قازاقستاندىق فۋتبولدى قالاي قۇتقارۋ كەرەكتىگىن ويلاپ تاپتى
بۇل تۋرالى ول ءوزىنىڭ Facebook پاراقشاسىندا مالىمدەگەن.
«دوستار، سەندەرگە ايتار جاقسى جاڭالىعىم بار - قازاقستاندىق فۋتبولدى دامىتۋدىڭ ۇزدىك جولىن تابۋدى ماقسات ەتكەن بولاتىنمىن، ال بۇگىندە ءبىز نەگىزگى جۇمىستى اياقتادىق. مەنىڭ نيەتىمنىڭ بارىنشا سالماقتى ەكەنىنە سەنىم ارتقاندارعا العىس بىلدىرەمىن. سىزدەرسىز بۇل قادامىمنىڭ ءمانى بولماس ەدى»، - دەپ ءسوزىن باستاعان ايسۇلتان، ودان ءارى ءوز جوسپارلارىمەن ءبولىستى.
«جاقىن ارادا ءوز ويىمدى ورتاعا سالامىن: قايدا جانە قالاي جىلجۋىمىز كەرەكتىگىن، دامۋىمىزعا نە كەدەرگى ەكەنىن جانە قاراجاتتى قايدان الۋعا بولاتىنىن ايتامىن. ءوزىم جۇمىسىما ريزامىن جانە قۋانا ءوز كونتسەپتسياممەن بولىسەتىن بولامىن. بۇل بىرنەشە تومداعان تۇسىنىكسىز اقپارات ەمەس... مەن فۋتبول ۇدەرىسىنىڭ بارلىق كۇردەلەنگەن تۇستارىن جەڭىلدەتىپ، تۇسىنىكتى ەتتىم. ءبىزدىڭ فۋتبولداعى قىسقى ۇيقىدان وياناتىن كەز كەلدى دەپ ويلايمىن»، - دەيدى ايسۇلتان نازاربايەۆ.
ەسكە سالساق، بۇعان دەيىن ايسۇلتان فۋتبول فەدەراتسياسىنىڭ پرەزيدەنتى ەرلان قوجاعاپانوۆتىڭ جۇمىسىنا كوڭىلى تولمايتىنىن جەتكىزىپ، بۇل قىزمەتكە ءوز كانديداتۋراسىن ۇسىنعان بولاتىن.
