استانادا يران ارمياسىنىڭ كۇنىنە وراي رەسمي قابىلداۋ ءوتتى
يران يسلام رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مودجتابا داميرچيلۋ ءوز سوزىندە يران قارۋلى كۇشتەرى ارميا كۇنىنىڭ ماڭىزى تۋرالى ايتتى.
«بۇگىنگى كۇن - يران يسلام رەسپۋبليكاسىنىڭ مۇراتتارىنا ادال ارميا ءۇشىن ەرەكشە كۇن. ارميا كۇنى بارلىق يراندىقتار ءۇشىن ماڭىزى باسىم. اسكەر كۇنىن ۇلىقتاۋ يران مەن يراندىق قۇندىلىقتاردى قورعاۋدا وزدەرىن قۇربات ەتكەن يران ارمياسىنىڭ جاۋىنگەرلەرىنە تاعزىم ەتۋ بولىپ تابىلادى» ، - دەپ اتاپ ءوتتى ەلشى.
سونداي- اق، ول يران يسلام رەسپۋبليكاسى مەن قازاقستان رەسپۋبليكاسى اراسىنداعى ديپلوماتيالىق قاتىناستاردىڭ دامۋىنا توقتالدى.
«ءوزارا سەنىم مەن ورتاق دامۋعا نەگىزدەلگەن ءبىزدىڭ ەلدەرىمىز ساياسي ديالوگتى بەلسەندى قولداپ كەلەدى. ءتۇرلى حالىقارالىق جانە ايماقتىق ماسەلەلەرگە بىرلىككە ات سالىسۋدامىز. ونىڭ جارقىن ۇلگىلەرىنىڭ ءبىرى - جاقىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ يرانعا ساپارى بارسىندا 60 تان استام كەلىسىمشارتپەن مەموراندۋمدارعا قول قويىلدى. بۇل ەكى ەلدىڭ ساۋدا ەكونوميكالىق قاتىناستارىن ودان ءارى دامىتا تۇسەدى» ، - دەدى ديپلومات.
شارا بارىسىندا ءسوز العان ق ر ق ك باس شتابى باسشىسىنىڭ ورىنباسارى گەنەرال- مايور ق ر قورعانىس مينيستىرلىگى اتىنان يران قارۋلى كۇشتەرىن ارميا كۇنىمەن قۇتتىقتاپ، ەكى ەل قارۋلى كۇشتەرىنىڭ دوستىق قاتىناسىنا توقتالدى. «ارميا ەلدىڭ قاۋىپسىزدىگىن قامتاماسىز ەتۋدىڭ جانە دامۋدىڭ كەپىلى رەتىندە مەملەكەتىمىزدىڭ اجىراماس بولىگى بولىپ تابىلادى. قازاقستان مەن يراننىڭ دوستىق قارىم قاتىناستارى جاقسى دامىپ كەلەدى. ءبىز ءارتۇرلى حالىقارالىق ۇيىمدار، سونداي- اق ا و س ش ك جانە ش ى ۇ شەڭبەرىندە ءوزارا ءساتتى جۇمىستار اتقارۋدامىز. ەكى ەلدىڭ قورعانىس ۆەدومستۆولارى اراسىنداعى ىنتىماقتاستىق ۋاعدالاستىقتاردىڭ نەگىزىندە قارقىندى دامىپ كەلەدى. بەيبىتشىلىك پەن سەنىمدىلىكتى ەكى ەلدىڭ قارۋلى كۇشتەرى اراسىنداعى ءوزارا بەرىك بايلانىس پەن تابىستى ىنتىماقتاستىقتى ورناتۋ ماقساتىندا ەلدەرىمىزدىڭ قورعانىس ۆەدومستۆولارى اراسىنداعى بايلانىس سەنىمدى جالعاسا بەرەدى دەپ بىلەمىز» ، - دەدى مۇحامەتجان تالاسوۆ. 
