يوردانيا يرانداعى ەلشىسىن شاقىرتىپ جاتىر

استانا. قازاقپارات - يوردانيا ۇكىمەتى تەگەراننىڭ پارسى شىعاناعىنداعى اراب ەلدەرىنىڭ ىشكى ىستەرىنە ارالاسۋى ماسەلەسى بويىنشا كەڭەس جۇرگىزۋ ءۇشىن يرانداعى ەلشىسى ابدوللا ءابۋ رۋمماندى ەلگە شاقىرتىپ جاتىر.

يوردانيانىڭ ب ا ق ىستەرى جانە كوممۋنيكاتسيالار جونىندەگى ءمينيسترى موحاممەل مومانيدىڭ ايتۋىنشا، يراننىڭ قازىرگى ساياساتى داعدارىس پەن ايماقتاعى تۇراقسىزدىققا اكەلىپ سوقتىرادى.

مينيستر سونداي- اق تەگەراندى كورشىلەس اراب ەلدەرىمەن سەنىم قاتىناستارىن قۇرۋعا شاقىردى.

 قاڭتار ايىنىڭ باسىندا ساۋد ارابياسى يرانمەن ديپلوماتيالىق قاتىناستاردى ءۇزدى. بۇعان تەگەراننىڭ مالىمدەمەلەرى مەن يرانداعى ساۋد ەلشىلىگىنە جاسالعان شابۋىل سەبەپ بولعان.