08:58, 19 - ءساۋىر 2016 | GMT +5
قىتايدا اۋىر قۇرىلىس تەحنيكالارى «شايقاستى» - كەسكىن
استانا. قازاقپارات - قىتايدىڭ حىبي پروۆينتسياسىندا ەكى باسەكەلەس قۇرىلىس فيرماسىنىڭ اراسىنداعى كيكىلجىڭ اۋىر تەحنيكالاردىڭ قاقتىعىسىنا اكەلىپ سوقتىردى.
سينتان ۋەزىندە التى كۇرەگى بار اۋىر تەحنيكا بىرنەشە مينۋت «تىرەسكەن». الەۋمەتتىك جەلىدە «ترانسفورمەرلەر قاقتىعىسى» اتالىپ كەتكەن جانجال سالدارىنان بىرنەشە ادام ءتۇرلى دەڭگەيدەگى دەنە جاراقاتىن العان.
CCTV تەلەكومپانياسىنىڭ حابارلاۋىنشا، وقيعا 17- ساۋىردە بولعان. تەحنيكالار قاقتىعىسىنان ەكى تەحنيكا اۋدارىلىپ قالىپ، بىرنەشە قۇرىلىسشى جاراقات العان. ەڭ كوپ زالال تەحنيكاعا تيەسىلى.
ەكى مەكەمەنىڭ جانجالىنا تاپسىرىس بەرۋشىگە تالاس سەبەپشى بولعان. قازىر وقيعانى قۇقىق قورعاۋ ورگاندارى تەرگەپ جاتىر.
عالامتوردا جۇكتەلگەن بەينەنى وقيعانى كەزدەيسوق كورىپ قالعاندار ءتۇسىرىپ العان.
