ريوداعى وليمپيادا الدىنداعى جانجال: دەپۋتاتتار برازيليا پرەزيدەنتىنىڭ وتستاۆكاسىن ماقۇلدادى

استانا. قازاقپارات - برازيليادا ءىرى ساياسي داعدارىس ءورشىدى. پارلامەنتتىڭ تومەنگى پالاتاسى ەل پرەزيدەنتى ديلما رۋسەفكە قاتىستى وتستاۆكاسىن ماقۇلدادى.

ەندى تۇپكىلىكتى شەشىم پارلامەنتتىڭ جوعارعى پالاتاسى - سەناتتىڭ قولىندا، دەپ حابارلادى ۆەستي. رۋ.

پارلامەنتتەگى داۋ بەس ساعاتقا جالعاستى - دەپۋتاتتار ءبىر-ءبىرىن جانە پرەزيدەنتتى سىبايلاس جەمقورلىققا، كورشىلەرمەن مامىلەگە جانە ەلدەگى بانديتيزمگە ايىپتادى. كوشەگە 60 مىڭنان استام ادام جينالدى: جاسىل جالاۋ كوتەرگەن يمپيچمەنت جاقتاستارى جانە قىزىل جالاۋمەن - ولاردىڭ قارسىلاستارى. ولاردى قوعامداعى ەكىگە جارىلۋشىلىقتىڭ سيمۆولى - ءبىر شاقىرىمدىق قورشاۋ ءبولىپ تۇردى. اقىرىندا جاسىلدار جەڭىسكە جەتتى: پرەيدەنتتىڭ وتستاۆكاسىن دەپۋتاتتاردىڭ باسىم بولىگى جاقتادى. ديلما رۋسەف ۇكىمەتتىڭ ەكونوميكالىق ەسەپتەرىن بۇرمالاۋعا كۇدىكتەلۋدە: وعان بيۋدجەت جەتىسپەستىگىن زەينەتاقى قورى ەسەبىنەن تولىقتىرعان دەگەن كىنا تاعىلۋدا.

ال ديلما رۋسەفتىڭ ءوزى بۇل وقيعانى ەل تاريحىنداعى ءىرى الاياقتىق جانە بۇلىك شىعارۋعا تىرىسۋشىلىق دەپ اتايدى. سەناتتاعى داۋىس بەرۋ مامىر ايىنا بەلگىلەنگەن. سەناتورلار دا پرەزيدەنتتىڭ وتستاۆكاسىنا داۋىس بەرۋى مۇمكىن، ويتكەنى ولاردىڭ كوپشىلىگى بيلىكتەگى سولشىل ەڭبەكشىلەر پارتياسىنا وپپوزيتسيالىق كوڭىل- كۇيدە. برازيليادا ەكونوميكالىق رەتسەسسيانىڭ ورشىگەن تۇسىندا پرەزيدەنتتىڭ رەيتينگسى رەكوردتىق 11 پايىزعا دەيىن قۇلادى، ءبىراق تا قۇرمەت ساقتالىپ قالدى.

بولگارلىق يمميگرانتتىڭ قىزى ساياسي مانسابىن سوتسياليستەر قاتارىندا باستاپ، اسكەري ديكتاتۋرامەن چە گيەۆارانىڭ ادىسىمەن كۇرەستى، ەكى جىلدىڭ ۇستىندە تۇرمەدە وتىردى، 1980-جىلدارى برازيليالىق پارلامەنتتەگى كەدەيلەردىڭ باستى قامقورشىسى دەپ سانالدى. امەريكاندىق ۇلتتىق قاۋىپسىزدىك قىزمەتىنىڭ ادامداردىڭ ۇستىنەن ءىزىن باعۋ جۇرگىزگەنىن سنوۋدەن اشكەرەلەگەننەن كەيىن رۋسەف ۆاشينگتونعا قارسى ءىرى ساياسي جانجال شىعاردى، ءوزىنىڭ ا ق ش- قا ساپارىنان جانە وبامامەن سالتاناتتى قوناعاسىدان باس تارتتى.

بۇل قاتىناستاردى قالپىنا كەلتىرۋگە ەكى جىل كەتتى. سوڭعى 100 جىلداعى ءىرى داعدارىس ورىن العانىنا قاراماستان، الەمنىڭ جەتىنشى ەكونوميكاسىمەن ىنتىماقتاستىققا بارلىعى دا مۇددەلى، ءبىراق تا برازيليا ازىرگە بريكس ەلدەرىن تاڭداپ وتىر.

حالىقتىڭ تۇرمىسى تومەن جىكتەرى قازىرگى بيلىككە ونداعان الەۋمەتتىك باعدارلامالارى ءۇشىن قارىزدار. ءبىر عانا كەدەيلەردى قولداۋدىڭ ءوزى 12 ميلليون وتباسىن قامتيدى. يمپيچمەنتتى قولداۋعا كوشەگە ازىرگە ورتا تاپ قانا شىقتى، امەريكانى جاقتايتىن وپپوزيتسيا حالىقارالىق ۆاليۋتا قورى ارقىلى برازيليالىق ەكونوميكالىق كەرەمەتكە ۋادە بەرۋدە. ال ۆاشينگتونعا قارسى كەدەيلەر كوشەگە شىقسا، ەلدە «برازيليا كوكتەمى» نەمەسە انارحيا باستالۋى مۇمكىن دەپ سانايدى قازىرگى پرەزيدەنت.

يمپيچمەنت قازىردىڭ وزىندە ۇكىمەت جۇمىسىنىڭ بەرەكەتىن كەلتىردى جانە نەبارى 4 اي ۋاقىت قالعان ريو وليمپياداسىن وتكىزۋگە زيانىن تيگىزۋى مۇمكىن.