07:58, 19 - ءساۋىر 2016 | GMT +5
يتاليانىڭ قازاقستانداعى ەلشىسى قازاق ءتىلىن ۇيرەنۋگە ۋادە بەردى
اتىراۋ. قازاقپارات - اتىراۋعا ساپارمەن كەلگەن يتاليانىڭ قازاقستانداعى توتەنشە جانە وكىلەتتى ەلشىسى ستەفانو راۆانيان قازاق ءتىلىن ۇيرەنۋگە ۋادە بەردى.
ەلشى ءوڭىر باسشىسى نۇرلان نوعايەۆپەن كەزدەسۋىندە وسىنداي ۋادە بەردى.
«ەكى ەل اراسىنداعى بايلانىس قارقىندى دامىپ كەلەدى. اتىراۋ وبلىسىندا عانا يتاليا كاپيتالىنىڭ قاتىسۋىمەن 33 كومپانيا جۇمىس ىستەۋدە. تاياۋ ارادا ءبىز اتىراۋدا تۇراقتى كونسۋلدىق اشۋدى جوسپارلاپ وتىرمىز. مەن جۇمىسقا قاجەتتى ءارى بىلۋگە ىقىلاس تانىتقان قازاق ءتىلىن مىندەتتى تۇردە ۇيرەنۋگە ۋادە بەرەمىن»، - دەدى س. راۆانيان.
