07:46, 19 - ءساۋىر 2016 | GMT +5
بريتان عالىمدارى: دينوزاۆرلار مەتەوريت قۇلاماي-اق جەر بەتىنەن جويىلىپ كەتەر ەدى
استانا. قازاقپارات - بريتان عالىمدارى جەرگە مەتەوريت قۇلاۋدان بۇرىنىراق دينوزاۆرلار قۇرىپ كەتۋ الدىندا تۇردى دەپ مالىمدەۋدە. بۇل تۋرالى الەمدىك ب ا ق- تار حابارلايدى.
رەدينگ ۋنيۆەرسيتەتىنىڭ عالىمدارى جۇرگىزگەن زەرتتەۋدە، بور ءداۋىرىنىڭ سوڭىنا قاراي (شامامەن 66 ميلليون جىل بۇرىن) دينوزاۆراردىڭ كوپتەگەن تۇرلەرى جويىلىپ بارا جاتقان دەپ كورسەتىلگەن.
استەرويد قۇلاعاننان كەيىن جەر بەتىندەگى جانارتاۋلاردىڭ بەلسەندىلىگىنىڭ ارتۋى جاڭا بولجامدا ايتىلادى، الايدا عالىمدار اپات الىپ جانۋارلاردىڭ قۇرۋى ميلليون جىلعا سوزىلعان ۇردىسىنە نۇكتە قويدى دەپ سانايدى.
ەجەلگى كەسىرتكەلەردىڭ قاڭقالارىنا كەشەندى زەرتتەۋ جۇرگىزىلىپ، سونىڭ ناتيجەسىندە ولاردىڭ جالپى سانى مەتەوريت قۇلاعانعا دەيىنگى 50 ميلليون جىل ىشىندە ازايىپ بارا جاتقاندىعى انىقتالدى. وعان دينوزاۆرلاردىڭ وزگەرىپ بارا جاتقان كليماتقا بەيىمدەلە الماۋى سەبەپ بولعان.
