ءتورت وبلىستىڭ كولىك پروكۋرورلارى تاعايىندالدى

استانا. قازاقپارات - ق ر باس پروكۋرورى اسحات داۋىلبايەۆتىڭ بۇيرىعىمەن ەلىمىزدىڭ ءتورت وبلىسىندا كولىك پروكۋرورلارى تاعايىندالدى.

ق ر باس كولىك پروكۋراتۋراسى باسپا ءسوز قىزمەتىنىڭ حابارلاۋىنشا، شىمكەنت كولىك پروكۋرورى بولىپ بايعونىسوۆ عالىم وماربەك ۇلى تاعايىندالدى.

ع. بايعونىسوۆ 1977 -جىلى تۋعان، پروكۋراتۋرا ورگانىندا ۇلكەن جۇمىس تاجىريبەسى بار. ول ەڭبەك جولىن 2000 -جىلى اقمولا كولىك پروكۋرورىنىڭ كومەكشىسى قىزمەتىنەن باستادى. قر باس پروكۋراتۋراسىنىڭ مەملەكەتتىك ورگاندار قىزمەتىنىڭ زاڭدىلىعىن قاداعالاۋ دەپارتامەنتىندە، قوستاناي كولىك پروكۋراتۋراسىندا، ماڭعىستاۋ كولىك پروكۋراتۋراسىندا قىزمەتتەر اتقاردى. ادىلەت كەڭەسشىسى سىنىپتىق شەنى بار.

سونىمەن قاتار، باس پروكۋرور بۇيرىعىمەن ماڭعىستاۋ كولىك پروكۋرورى بولىپ اشەنوۆ مۇحيتبەك باتىربەك ۇلى تاعايىندالدى. ول 1980 -جىلى تۋعان، پروكۋراتۋرا ورگاندارىندا ۇلكەن تاجىريبەسى بار. پروكۋراتۋرا سالاسىنداعى ەڭبەك جولىن 1999 -جىلى وڭتۇستىك قازاقستان وبلىسى وتىرار اۋدانى پروكۋرورىنىڭ كومەكشىسى قىزمەتىنەن باستادى. كەيىننەن وڭتۇستىك قازاقستان وبلىسى ەڭبەكشى اۋدانى، ءال-فارابي اۋدانى، قازىعۇرت اۋدانى پروكۋرورىنىڭ ورىنباسارى، ارىس كولىك پروكۋرورىنىڭ، جامبىل كولىك پروكۋرورىنىڭ وررىنباسارى قىزمەتتەرىن اتقارعان. ادىلەت كەڭەسشىسى سىنىپتىق شەنى بار.

 سونىمەن قاتار، جامبىل كولىك پروكۋرورى بولىپ مايلىبايەۆ ەرحان اساۋباي ۇلى تاعايىندالدى. ە. مايلىبايەۆ 1977 -جىلى تۋعان، پروكۋراتۋرا ورگاندارىندا ۇلكەن تاجىريبە جيناقتاعان. ول ەڭبەك جولىن 1998 -جىلى تاراز قالاسى پروكۋرورىنىڭ كومەكشىسى قىزمەتىنەن باستادى. جامبىل وبلىستىق پروكۋراتۋراسىندا، استانا قالاسى پروكۋرورىنىڭ پروكۋرورلىق باسقارماسىندا قىزمەت ەتتى. ءار جىلدارى «استانا- ازيا» ج ش س زاڭ ءبولىمىنىڭ باسشىسى قىزمەتىن اتقاردى، پاۆلودار قالالىق سوتىنىڭ سۋدياسى، اتىراۋ وبلىسى جىلىوي اۋدانى سوتىنىڭ ءتوراعاسى بولدى. 2009 -جىلى ق ر باس پروكۋراتۋراسىنىڭ الەۋمەتتىك- ەكونوميكالىق سالالار بويىنشا زاڭدىلىقتى قاداعالاۋ دەپارتامەنتىندە ءبولىم باستىعى، اقتاۋ قالاسىنىڭ پروكۋرورى، شىمكەنت كولىك پروكۋرورى قىزمەتتەرىن اتقاردى. ادىلەت كەڭەسشىسى سىنىپتىق شەنى بار.

 اقتوبە كولىك پروكۋرورى بولىپ وردابايەۆ ابىلايبەك اسىلبەك ۇلى تاعايىندالدى. ول 1978 -جىلى تۋعان، پروكۋراتۋرا ورگانىندا ۇلكەن تاجىريبەسى بار. پروكۋراتۋرا سالاسىنداعى ەڭبەك جولى 2003 -جىلى ورال جانە اقتوبە كولىك پروكۋرورلارى كومەكشىسىنىڭ مىندەتىن اتقارۋشى، اقتوبە كولىك پروكۋرورىنىڭ اعا كومەكشىسى، قاندى اعاش كولىك پروكۋرورىنىڭ اعا كومەكشىسى قىزمەتتەرىن اتقاردى.

ق ر باس پروكۋراتۋراسىندا جەدەل- ىزدەستىرۋ قىزمەتى زاڭدىلىعىن قاداعالاۋ دەپارتامەنتىندە اعا پروكۋرور، ءبولىم باستىعى قىزمەتتەرىندە بولدى. ادىلەت كەڭەسشىسى سىنىپتىق شەنى بار.

اۆتور: قانات مامەتقازى ۇلى