ىستامبۇلدا ورتكە ورانعان اۆتوبۋس جارىلىپ كەتتى

استانا. قازاقپارات - تۇركيانىڭ ىستامبۇل قالاسىنىڭ ورتالىعىندا جولاۋشىلار اۆتوبۋسى جارىلىپ كەتتى. بۇل تۋرالى ر ي ا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.

كۋاگەرلەردىڭ ايتۋىنشا، اۆتوبۋس العاشىندا وتقا ورانعان، وسىدان سوڭ ارتىنشا جارىلىپ كەتتى. الدىن الا بولجام بويىنشا، كولىك ورتا جولدا بۇزىلىپ، جوندەۋ ورتالىعىنا قاراي باعىت العان. وسىعان بايلانىستى اۆتوبۋس ىشىندە جولاۋشىلار بولماعان. وقىس جاعدايدان ەشكىم زارداپ شەككەن جوق.

Daily Sabah باسىلىمى وقيعانىڭ توپكاپى ستانسياسىنا جاقىن جەردە بولعانىن حابارلادى. قازىر وسىعان بايلانىستى تەرگەۋ امالدارى ءجۇرىپ جاتىر.

دەرەك، فوتو: ر ي ا «نوۆوستي».