19:11, 19 - ءساۋىر 2016 | GMT +5
عالىمدار راك اۋرۋىنان ايىقتىراتىن انتيبيوتيكتەردى تاپتى
استانا. قازاقپارات - يركۋسك قالاسىنىڭ عالىمدارى توبى نەمىس ارىپتەستەرىمەن بىرىگە وتىرىپ بۇعان دەيىن مەديتسينا عىلىمىندا بايقالماعان انتيبيوتيك(ميكروورگانيزمدەردىڭ ءوسۋىن، كوبەيۋىن تەجەيتىن نەمەسە توقتاتاتىن ميكروبتار، وسىمدىكتەر مەن جانۋارلار جاسۋشاسىنان الىناتىن ورگانيكالىق زات - رەد.) رەتىندە قولدانۋعا بولاتىن جاڭا باكتەريالاردى تاپقان.
بۇل تۋرالى «قازاقستان جاڭالىقتارى» حابارلايدى.
«ءبىز 10 جاڭا شتامدى تاپتىق. ولاردى سىناقتان وتكىزىپ تەك بىرەۋىن عانا تاڭداپ الدىق. اتالعان شتامننان 120-دان اسا انتيبيوتيك ءوندىرىپ شىعۋعا بولادى ەكەن»، - دەيدى اعا عىلىمي قىزمەتكەر دەنيس اكسەنوۆ-گريبانوۆ.
عالىمدار تابىلعان جاڭالىق ىشەك تاياقشالارىمەن كۇرەسە الادى دەپ وتىر. قازىرگى تاڭدا عالىمدار تابىلعان باكتەريالاردى ودان ءارى زەرتتەۋ نەگىزىندە، جەتىلدىرۋ جۇمىستارىمەن اينالىسىپ جاتىر.
