بەتكە سالىنعان ەڭ اقىلعا سىيىمسىز تاتۋيروۆكالار - فوتو

استانا. قازاقپارات - تاتۋيروۆكا دا - قۇمارلىقتىڭ ءبىر ءتۇرى. ءبىر مارتە ءدامىن تاتقان ادام دەنەسىن قايتا- قايتا شيمايلاتا تۇسەدى.

ادەتتە كوپ ادام قولىنا، ارقاسىنا سالدىرادى. ال بەتىنە سىزۋ سىزدىرىپ، سۋرەت سالعىزاتىن قۇمارپازدار دا بار ەكەن.

بۇل تۋرالى bigpicture.ru حابارلايدى.

2013 -جىلى ساياساتكەر، سۋرەتشى، كومپوزيتور ۆلاديمير فرانس چەحيا پرەزيدەنتتىگىنە تۇسكىسى كەلدى. 26 جاستاعى فرانس - وتە قىزىق تۇلعا. ونىڭ زاڭگەرلىك ءبىلىمى، سۋرەتشىلىك، ديزاينەرلىك، كومپوزيتورلىق ونەرى بار جانە دراماتۋرگيا بويىنشا دا اتاعى بار. ونىڭ دەنەسىنىڭ كوپ بولىگىن تاتۋيروۆكا جاۋىپ تۇر، ءتىپتى شاشىنىڭ ءتۇسىن دە ءجيى وزگەرتەدى. «مەنىڭ دەنەم - مەنىڭ باعىم سەكىلدى. اركىم ءوزى بىلەدى. مەن ءۇشىن بۇل دا وزىنشە قۇندىلىق»، - دەيدى ول.

 

2013 -جىلى تاتۋيروۆكانى جان- تانىمەن سۇيەتىن جىگىت ۇلكەن ارىپتەرمەن ءوزىنىڭ قىزىنىڭ بەتىنە تانىسقاننان سوڭ ءبىر كۇننەن كەيىن «رۋسلان» دەپ ءوز ەسىمىن جازىپ بەرگەن. وسىدان سوڭ كوپ ۇزاماي ەكەۋى ۇيلەنىپتى.

 

20 جاستاعى حيۋستون تۇرعىنى كريستەن زەحريست بەتىنىڭ سول جاق بولىگىنە ءسابيدىڭ سۋرەتىن سالدىرعان. ولىمنەن امان قالعان ۇلىنا ول وسىلايشا قۇرمەت كورسەتىپتى. بۇل تاتۋيروۆكا الەۋمەتتىك جەلىدە ۇلكەن قارسىلىققا يە بولعان.

 

ۆين لوستىڭ باستى ماقساتى - بەتىنە تاتۋيروۆكا سالدىرىپ الەمگە تانىمال بولۋ. بەتى دە، قولى دا وسىنداي جازۋلارعا تولىپ تۇر. «وسى ارقىلى مەن پوپ- مادەنيەتتىڭ نە ەكەنىن كورسەتكىم كەلەدى. ادامدار مەنىڭ وبرازىما قاراپ تامسانىپ، اسەر الۋى كەرەك»، - دەيدى 24 جاستاعى جىگىت.

 

فرەسنو قالاسىنىڭ تۇرعىنى 2016 -جىلدىڭ ناۋرىز ايىندا اتىسقا قاتىسىپ، ەسىرتكى تاسىعانى ءۇشىن تۇتقىندالعان. 33 جاستاعى حامپراسونگ تامماۆونگ فرەسنو قالاسىندا كولىك جۇرگىزۋ كۋالىگىن تەكسەرۋ كەزىندە ۇستالعان. ءۇيىن ءتىنتىپ، تەكسەرگەن ءتارتىپ ساقشىلارى ءتۇرلى قارۋ تاۋىپ، قىلمىستىق توپقا قاتىسى بار ەكەنىن انىقتايدى.

 

مايكل كارتەر دە 2016 -جىلدىڭ قاڭتار ايىندا بەتىندەگى قاپتاعان تاتۋيروۆكانىڭ ارقاسىندا جاساعان قىلمىستارىنان مەيلىنشە بوي تاسالاعانىنا قاراماستان تەز قولعا تۇسكەن.

 

ريك دجەنەست 2011 -جىلى لەدي گاگانىڭ Born This Way بەينەبايانىنا تۇسكەن. باسى دا، بۇكىل دەنەسى دە تاتۋعا تولى دجەنەستتى لەدي گاگانىڭ ءستيليستى نيكولا فورميچەتتي تاپقان. ول قازىر مودەل بولىپ قىزمەت اتقارادى.

 

24 جاستاعى دجينو دارتنولل العاش رەت بەتىنە 18 جاسىندا تاتۋيروۆكا جاساتقان.

 

Stan.kz