ءۇشارال قالاسىندا اۋەجاي قۇرلىسى باستالادى
«تۋريزم سالاسىندا ستراتەگيالىق ينۆەستورلاردى تارتۋعا قاتىستى «زاكىرلى» جوبالار تىزىمىنە «اقبۇلاق» حالىقارالىق تۋريستىك ورتالىعى ەندى، ينۆەستورى - «Steppe Capital» اق (سينگاپۋر) . ۋچاسكە الاڭى 800 گا، ونىڭ ىشىندە جوبا ىسكە اسىرىلاتىن جەر - 170 گا. جوبانىڭ قۇنى - 90 ميلليارد تەڭگە» ، - دەدى وبلىس اكىمى.
ونىڭ ايتۋىنشا، جوبانى جۇزەگە اسىرۋ اياسىندا تالعار اۋدانىندا «اقبۇلاق» شيپاجاي- ساۋىقتىرۋ كەشەنىنە اپاراتىن «بىرلىك- المالىق- رىسقۇلوۆ- قازستروي- اقبۇلاق» اۆتوجولىنىڭ قۇرىلىسى جۇرگىزىلۋدە.
«ال الاكول كولىندە جاعاجاي جانە ساۋىقتىرۋ تۋريزمىن دامىتۋ ءۇشىن «Falcon Petroleum» ، «AQUAMARINE resort» ج ش س، «كاريموۆ» جك ينۆەستورلارى تارتىلدى.
ولار 400 ورىندى بەس جۇلدىزدى قوناق ءۇي جانە 500, 300 ورىندى قوناق ءۇي كەشەندەرىن سالۋدا» ، - دەدى ول.
ءوڭىر باسشىسىنىڭ ايتۋىنشا، تۋريستەردى الاكولگە جايلى جەتكىزۋ ءۇشىن «الماتى- جەتىگەن- اقشي- دوستىق» تەمىرجول قاتىناسى جۇمىس جاسايدى. ول جەرگىلىكتى بيۋدجەتتەن سۋبسيديالانادى. سونىمەن قاتار، اعىمداعى جىلى ءۇشارال قالاسىندا اۋەجاي قۇرىلىسى باستالاتىن بولادى.
جالپى، بۇگىندە الاكول كولىندەگى دەمالىس بازالارىنا 93,8 شاقىرىم ەلەكتر جەتكىزۋ جەلىلەرى (600 ميلليون تەڭگەگە) تارتىلعان جانە ۇزىندىعى 23,8 شاقىرىم. اۆتوموبيل جولدارىن قايتا جاڭعىرتۋ (1,9 ميلليارد تەڭگەگە) اياقتالۋعا جاقىن.
سونداي- اق، اقشي اۋىلىندا تۋريستەرگە قىزمەت كورسەتۋ ءۇشىن زاماناۋي قۇرالدارمەن جانە رەانيموبيلمەن جاراقتاندىرىلعان دارىگەرلىك امبۋلاتوريالار سالىنىپ جاتىر.
«وبلىستا جالپى 233 ميلليارد تەڭگە سوماسىنا بارلىعى 11 جوبا جۇزەگە اسىرىلۋدا» ، - دەپ قوستى ا. باتالوۆ.
اۆتور: مارلان جيەمباي
