قىتايدا ءولىم جازاسى تاعايىندالاتىن پارا كولەمى بەكىتىلدى

 استانا. قازاقپارات - دۇيسەنبى كۇنى قىتايدىڭ جوعارعى حالىقتىق سوتى مەن جوعارعى حالىقتىق پروكۋراتۋراسى جەمقورلىق ىستەرىندە ءولىم جازاسىن قولدانۋ ەرەجەلەرىن انىقتادى.

  ءسويتىپ بۇل جازا 460 مىڭ (ا ق ش) دوللاردان استام اقشانى زاڭسىز جولمەن نەمەسە وسىنداي كولەمدە پارا العاندارعا تاعايىندالاتىن بولدى، دەپ حابارلادى ر ي ا نوۆوستي سينحۋا اگەنتتىگىنە سىلتەمە جاساپ.

دۇيسەنبى كۇنى جاريالانعان قۇجاتقا سايكەس، 3 ميلليون يۋان (460 مىڭ دوللار) كولەمىندەگى اقشانى زاڭسىز قالتاسىنا باسقان نەمەسە پارا العان قىلمىسكەرلەردىڭ كىناسى مويىندالسا، ولار ءولىم جازاسىنا كەسىلەدى.

ق ح ر- دا جەمقورلىقپەن كۇرەسۋدىڭ اۋقىمدى ناۋقانى 2012 - جىلى ەل تىزگىنىن شي جينپيڭ قولىنا العاننان كەيىن باستالدى. سول كەزدەن باستاپ پارتيالىق ءتارتىپتى بۇزعانى جانە جەمقورلىق ارەكەتى ءۇشىن مىڭداعان شەنەۋنىك جازالاندى.

 رەسمي ستاتيستيكاعا سۇيەنسەك، اعىمداعى جىلدىڭ قاڭتارىندا عانا 5 مىڭ 459 شەنەۋنىك جازالاندى. كوميسسيا مالىمەتىنە قاراعاندا، 2015 -جىلى پارتيالىق ءتارتىپتى بۇزعانى ءۇشىن ءتۇرلى دەڭگەيدەگى 50 مىڭعا جۋىق شەنەۋنىك جاۋاپكەرشىلىككە تارتىلدى.