ا ق ش-تىڭ باس ەلشىسى تاقيا كيىپ، قازاقستاننىڭ قاسيەتتى مەكەندەرىن ارالادى - فوتو

استانا. قازاقپارات - ا ق ش ەلشىسى دجوردج كرول تاقيا كيىپ، قازاقستاننىڭ قاسيەتتى مەكەندەرىن ارالادى،

 دەپ حابارلايدى NUR. KZ پورتالى ەلشىلىكتىڭ Facebook جەلىسىندەگى پاراقشاسىنا سىلتەمە جاساپ.

«ەلشى كرول وعلاندىدا قازاقستاننىڭ بەكەت- اتا جانە شولپان- اتا تاريحي ەسكەرتكىشتەرىنە باردى»، - دەپ جازىلعان ەلشىلىكتىڭ جەلىدەگى رەسمي پاراقشاسىندا.

ايتا كەتەرلىگى، ماڭعىستاۋ وبلىسىنداعى بەكەت- اتا جەراستى مەشىتى قوجا احمەت ياسساۋي كەسەنەسى مەن مۇحاممەد پايعامباردىڭ (س. ع. س. ) جەرلەنگەن جەرى سەكىلدى قاسيەتتى مەكەندەردىڭ ءبىرى سانالادى. كوپتەگەن تۇرعىندار وسى جەرگە كومەك سۇراپ، الىس جەرلەردەن كەلىپ جاتادى. بەكەت- اتانىڭ مەشىتىنە كومەك سۇراپ كەلگەندەردىڭ ءوتىنىشى پەرىشتەنىڭ قۇلاعىنا شالىنادى دەگەن اڭىز تاراعان.

ال شوپان- اتا جەراستى مەشىتى - قازاقستاننىڭ ەڭ كونە تاريحي ەسكەرتكىشتەرىنىڭ ءبىرى. سەنىم بويىنشا، شوپان- اتا احمەت ياسساۋيدىڭ تۇلەگى بولعان.