12:51, 18 - ءساۋىر 2016 | GMT +5
قازاقستاندىق تاەكۆوندوشى وليمپيادا ليتسەنزياسىن ۇتىپ الدى
استانا. قازاقپارات - قازاقستاندىق تاەكۆوندوشى جانسەل دەنيز مانيلا (فيليپپين) قالاسىندا ءوتىپ جاتقان ازيالىق ىرىكتەۋ تۋرنيرىندە وليمپيادا ويىندارىنا ليتسەنزيا ۇتىپ الدى.

بۇل تۋرالى WTF قازاقستاندىق تاەكۆوندو فەدەراتسياسىنىڭ ۆكونتاكتە جەلىسىندەگى رەسمي پاراقشاسىنان حابارلاندى.
جارتىلاي فينالدا دەنيز ۆەتنام سپورتشىسىن جەڭىپ، كەلەسى كەزەڭگە ءوتتى.
ەسكە سالا كەتەيىك، WTF ىرىكتەۋ تۋرنيرىنىڭ ەرەجەلەرى بويىنشا فينالعا شىققان سپورتشىلار ريو-دە-جانەيروداعى وليمپيادا ويىندارىنا جولداما الادى.
وسىعان دەيىن بۇل تۋرنيردە قازاقستاننىڭ تاعى ءبىر وكىلى رۋسلان جاپاروۆ وليمپيادا ليتسەنزياسىنا قول جەتكىزگەن.