قازاقستان قۇراماسى ازيا چەمپيوناتىندا ءۇشىنشى ورىن الدى

استانا. قازاقپارات - دزيۋدودان تاشكەنتتە وتكەن ازيا چەمپيوناتىندا قازاقستاننىڭ ەرلەر جانە ايەلدەر قۇرامالارى كوماندالىق بىرىنشىلىكتە ءۇشىنشى ورىن الدى، - دەپ حابارلايدى Vesti.kz فەدەراتسيانىڭ رەسمي سايتىنا سىلتەمە جاساپ.

باسىلىمنىڭ مالىمەتىنشە، ەرلەر قۇراماسى ءبىرىنشى اينالىمنان اۆتوماتتى تۇردە ءوتىپ، ەكىنشى راۋندقا اۋىستى، بۇل كەزەڭدە سيريانى 5:0 ەسەبىمەن جەڭدى. جارتىلاي فينالدا قازاقستاندىقتار وزبەكستان قۇراماسىنان 2:3 ەسەبىمەن ۇتىلدى، الايدا قولا مەدالدار ءۇشىن تالاستا قىتايدان 4:1 ەسەبىمەن باسىم ءتۇستى.

قازاقستاننىڭ ايەلدەر قۇراماسى دا ءبىرىنشى اينالىمنان اۆتوماتتى تۇردە ءوتىپ، ەكىنشى راۋندتا يراندى 5:0 ەسەبىمەن جەڭدى. قازاقستاندىق دزيۋدوشىلاردى جاپون سپورتشىلارى فينالعا شىعارمادى (1:4)، ءبىراق ءۇشىنشى ورىنعا تالاستا وزبەكستاندى 3:2 ەسەبىمەن جەڭىپ كەتتى.

جارىستا ماكسيم راكوۆ، ازيز قالقامان ۇلى جانە ەرجان شىنكەيەۆ قولا مەدال السا، ايەلدەر اراسىندا گۇلجان يسانوۆا كۇمىس مەدال الدى.