جاپونياداعى تاۋدىڭ جارىلۋى مەن جۇمباق اق كوبىك - فوتو
سوڭعى مالىمەتتەر بويىنشا، جەر سىلكىنىسىنەن 41 ادام قازا تاۋىپ، 2 مىڭنان اسا ادام زارداپ شەكتى. شامامەن 100 مىڭ ادام ەۆاكۋاتسيا بەكەتتەرىندە، 160 مىڭنان اسا وتباسى جارىقسىز، گازسىز وتىر، 400 مىڭ وتباسى سۋسىز قالدى.
جەر سىلكىنىسى جۇزدەگەن عيمارات پەن جولداردى قيراتتى. ەڭ قاتتى زارداپ شەككەن اۋىل مينامي- اسو بولدى، ول كۋماموتو پرەفەكتۋراسىندا ورنالاسقان، ول جاقتاعى 200 مەترلىك كوپىر قۇلاپ، وزەنمەن اعىپ، جەر بەتىنەن جوق بولىپ كەتتى، بىرنەشە باسپانا جەر استىندا قالدى.
اۋىلداعى سۇمدىق كورىنىستى تىكۇشاق ارقىلى كورۋگە بولادى: قيراعان ۇيلەردىڭ الدىنداعى جازىقتا جەر قاق جارىلعان. مامانداردىڭ ايتۋىنشا، تاپ سول جاقتا جەر قىرتىسىنىڭ جارىلۋى بەلسەندى تۇردە جۇرگەن، ونىڭ قوزعالىسىنىڭ سالدارى سۇمدىق جاعدايعا اكەپ سوقتى.
© AP، AFP، The Asahi Shimbun, EPA، Reuters, BBC
سونىمەن قاتار، جەر سىلكىنىسىنىڭ وشاعىنان 90 شاقىرىم قاشىقتىقتا ورنالاسقان فۋكۋوكا قالاسىنىڭ تۇرعىندارى جەراستى دۇمپۋلەرىنەن كەيىن كوشەلەردە بەلگىسىز اق كوبىكتىڭ پايدا بولعانىن بايقادى. wittert قولدانۋشىلارى بۇل تىلسىمدى سۋرەتكە جانە ۆيدەوعا ءتۇسىرىپ، جاريالاي باستادى. پىكىر قالدىرعانداردىڭ كەيبىرىنىڭ ويىنشا، جەر سىلكىنىسىنەن كەيىن جەر استىنداعى قۇبىر جارىلىپ، قالا كوشەلەرىنە اق كوبىكتىڭ توگىلۋى سودان بولۋى مۇمكىن. الايدا باسىلىم بۇعان قاتىستى رەسمي راستالعان ماعلۇماتتى بەرە المادى.
tengrinews.kz
