استانادا ەۋروكوميسسيا وكىلى جىلقىنىڭ ەتىن جەۋدەن باس تارتتى - فوتو
دەپ حابارلايدى NUR. KZ پورتالى Kazpravda.kz سايتىنا سىلتەمە جاساپ.
الدىمەن حوگان گراناتا (انار) سۋسىنىنان ءدام تاتىپ، وعان جوعارى باعا بەردى.
«كەرەمەت ورگانيكالىق سۋسىن، ساپاسى دا تاماشا. مەنىڭ يرلاندىق تالعامىما جاقسى ۇيلەسەدى. وزگە سۋسىندارمەن سالىستىرعاندا، بۇل قاتتى ءتاتتى ەمەس ەكەن. ەۋروپادا مۇنداي سۋسىننان بۇرىن- سوڭدى ءدام تاتقان ەمەسپىن»، - دەپ تامساندى كوميسسار فيليپ حوگان.
ەت سورەسىنە جاقىنداعان حوگانعا جىلقى ەتىنەن ازىرلەنگەن تاعامنان ءدام تاتۋ ۇسىنىسى جاسالدى. الايدا ەۋروپالىق ازامات ودان سىپايى تۇردە باس تارتتى. ول جىلقىنىڭ ورنىنا شوشقا ەتىن بايقاپ كورۋگە نيەت ءبىلدىردى.
«شوشقا ەتى وتە ءدامدى ەكەن. بۇل ەت ەۋروپادا الدەقايدا قۇرعاق. جەرگىلىكتى ەت جەمىس- جيدەكتەر سەكىلدى وتە بالعىن ەكەن. ال جىلقى ەتىنە كەلەر بولساق، مەن ونى جەمەيمىن. جىلقى ءبىزدىڭ ەلدە ءۇي جانۋارىمەن تەڭ، سوندىقتان ونى جەي المايمىن»، - دەپ ءتۇسىندىردى حوگان.
ودان كەيىنگى كەزەك پولشالىق جانە الماتىلىق المالارعا كەلىپ ءتۇستى. ەكەۋىنەن دە ءدام تاتقان حوگان قايسىسى دامدىرەك ەكەنىن ءدوپ باسىپ ايتا المادى.
«پولشا الما وسىرۋدەن الەمدە الدىڭعى قاتاردا. ءبىراق مىنا المالار (قازاقستاندىق) دا وتە ءدامدى ەكەن»، - دەدى ول.
«قازاقستاندا ازىق- تۇلىك نارىعى جاقسى دەڭگەيدە بولعاندىقتان، مەن ولاردى ارالاپ، ەۋروپانىڭ نارىعىمەن سالىستىرماق بولدىم. بۇل - جەرگىلىكتى ازىق- تۇلىكتى كورىپ، ءدام تاتۋدىڭ ەڭ ءتيىمدى ءتاسىلى. ولار ەۋروپالىق انالوگتارمەن باسەكەگە تۇسە الاتىنىنا كۇمانىم جوق. ال قيار مۇندا ەۋروپاداعى قياردان گورى الدەقايدا ءدامدى»، - دەيدى حوگان.
بۇل فيليپ حوگاننىڭ قازاقستانعا العاشقى ساپارى. ول اۋىل شارۋاشىلىعى ءمينيسترى اسىلجان مامىتبەكوۆپەن كەزدەسىپ، قازاقستامەن ىنتىماقتاستىقتى دامىتۋداعى جوعارى قىزىعۋشىلىعىن ءسوز ەتتى.
دەرەككوز: Nur.kz
