ايەل اسكەري قىزمەتشىلەرى العاش رەت جاۋىنگەرلىك تەحنيكا - كاماز- دىڭ ءرولىن تىزگىندەدى - فوتو
جاۋىنگەرلىك دايارلىق جوسپارىنا سايكەس ايىنا ءبىر رەت تەوريالىق ساباقتار پراكتيكالىق ساباقتارعا اۋىسادى.
«وسى جىلدان باستاپ ايەل اسكەري قىزمەتشىلەرگە كاماز اۆتوموبيلدى تەحنيكاسىن جۇرگىزۋ بويىنشا ساباقتار ءوتىپ جاتىر. سونداي- اق مەملەكەتتىك- قۇقىقتىق دايارلىق، اتىس جانە وق اتۋ دايارلىعى بويىنشا ساباقتار جانە تاكتيكالىق دارىستەر وتكىزىلەدى. ءاربىر اسكەري قىزمەتشى جىنىسىنا قاراماستان، جاۋىنگەرلىك تەحنيكانى جۇرگىزە الۋى ءتيىس. ايەل اسكەري قىزمەتشىلەر ەرلەرمەن قاتار بارلىق پراكتيكالىق ساباقتاردى ورىندايدى. بۇل جاۋىنگەرلىك ءىس- قيمىلدار جاعدايىندا ايەل ۇرىس تەحنيكاسىندا قوزعالىستى جالعاستىرا الۋى ءۇشىن قاجەت»، - دەدى 83205 ءا/ب كومانديرى پولكوۆنيك ايدار ابدراحمان.
بۇگىندە ايەل اسكەري قىزمەتشىلەردىڭ جاۋىنگەرلىك دايارلىعى وڭ دەپ باعالانۋدا. ق ر قورعانىس مينيسترلىگىنىڭ باسپا ءسوز قىزمەتىنەن حابارلاعانداي، ولار فيزيكالىق تۇرعىدا دايىندالعان جانە ەرلەرمەن بىرگە جاۋىنگەرلىك دايارلىق باعدارلاماسىن مەڭگەرۋدە. كاماز- داردىڭ تىزگىنىن ۇستاۋ ونىڭ ۇستىنە، ارۋلار ءۇشىن ەڭ كۇردەلى بولىپ سانالادى. 83205 اسكەري ءبولىمىنىڭ ايەل اسكەري قىزمەتشىلەرى وزدەرىنىڭ پراكتيكالىق ماشىقتارى مەن جاۋىنگەرلىك دايارلىقتارىن كورسەتىپ، راستادى.
«قارۋلى كۇشتەردە مەن 13 جىل قىزمەت اتقارىپ ءجۇرمىن. كۇن سايىن بىزدە جاۋىنگەرلىك ازىرلىكتى ارتتىرۋ بويىنشا ساباقتار وتكىزىلەدى. جاڭا جىلدان باستاپ ءبىز كاماز جاۋىنگەرلىك تەحنيكاسىن جۇرگىزۋدى ۇيرەنە باستادىق. ەڭ باسىندا قيىن بولدى. ءبىز ساز- بالشىقتى جەردە جۇرگىزدىك، ءبىراق، مەن تەز يگەرىپ الدىم جانە ماعان وتە ۇنايدى. مەنىڭ ويىمشا، اسكەردە ءاربىر اسكەري قىزمەتشى ۇرىس تەحنيكاسىن جۇرگىزە الۋى ءتيىس»، - دەدى 83205 ءا/ب اسكەري قىزمەتشىسى اعا لەيتەنانت گۇلدەن اليەۆا.
ايەل اسكەري قىزمەتشىلەر ەرلەرمەن قاتار بارلىق جۇكتەلگەن تاپسىرمالاردى ورىندايتىنىن ايتا كەتەيىك. ولاردىڭ باتىلدىعى مەن جاۋىنگەرلىك دايارلىقتارىن كورسەتۋ ءۇشىن قارۋلى كۇشتەردە وسىمەن ەكىنشى رەت «باتىر ارۋلار» بايقاۋى وتكىزىلىپ جاتىر. بۇل بايقاۋدا سىرتقى كەلبەتتەن باسقا، دەنە دايارلىعى، شىدامدىلىق جانە قويىلعان تاپسىرمالاردى ورىنداۋ ازىرلىگى باعالانادى.
