رەسەي ۇشاعى ا ق ش اسكەري- تەڭىز كۇشتەرىنە «وسپادارلىق تانىتىپ» ءجۇر
ا ق ش اسكەري- تەڭىز كۇشتەرىنىڭ كاپيتانى دەنني ەرناندەستىڭ CNN تەلەارناسىنا ايتۋىنشا، 14 - ساۋىردە بولعان وقيعا كەزىندە رەسەي ۇشاعى «وسپادارلىق تانىتىپ»، امەريكالىق ۇشاققا 16 مەتردەي جاقىن كەلگەن. ەرناندەس ا ق ش ۇشاعىنىڭ رەسەي تەرريتورياسىنا كىرمەگەنىن ايتادى.
«ءبىر ۇشقىشتىڭ قاۋىپسىز ەمەس ءارى كاسىبيلىككە جاتپايتىن ءىس- ارەكەتى ەكى ەل اراسىنداعى قارىم- قاتىناستىڭ ءجونسىز شيەلەنىسۋىنە اپارىپ سوعۋى مۇمكىن» دەگەن ول.
بۇل وسى اپتادا بالتىق تەڭىزىندە ا ق ش پەن رەسەي اسكەري كۇشتەرى اراسىندا بولعان ءبىرىنشى وقيعا ەمەس. بۇعان دەيىن، 11 - ساۋىردە رەسەيلىك سۋ-24 ۇشاعى امەريكالىق «دونالد كۋك» ەسمينەتسى ۇستىنەن شامامەن 900 مەتر قاشىقتىقتا 20 رەت، 12 - ساۋىردە - 11 رەت ۇشىپ وتكەنى حابارلانعان ەدى. رەسەي ۇشاعى ءبىر كەزدەرى كەمە ۇستىنەن توعىز مەترگە دەيىن جاقىن ۇشقان.
ا ق ش مەملەكەتتىك حاتشىسى دجون كەرري رەسەيلىك سۋ-24 ۇشاعىنىڭ امەريكالىق ەسمينەتسىنە قاۋىپ تۋدىرا جاقىن ۇشىپ بارعانىن ايىپتاپ، وقيعانى «قاۋىپتى ءارى پاراساتسىز» ارانداتۋشىلىق دەپ اتاعان. ول بۇل وقيعاعا بايلانىستى ا ق ش- تىڭ نارازىلىعىن رەسەي سىرتقى ىستەر ءمينيسترى سەرگەي لاۆروۆقا تەلەفون ارقىلى سويلەسكەندە جەتكىزگەن.
«ازاتتىق»
