ن. نازاربايەۆ ۇسىنعان باستاما دامىعان جانە دامۋشى مەملەكەتتەردىڭ ناقتى ىستەرىنىڭ ءتيىمدى باسشىلىعىنا اينالۋى ءتيىس - ازەربايجاندىق ساراپشى
دەيدى وسى قۇجاتقا بايلانىستى پىكىر بىلدىرگەن بەلگىلى ازەربايجاندىق ساراپشى راۋف رادجابوۆ.
ازەربايجاندىق ساراپشىنىڭ سوزىنە قاراعاندا، ن. نازاربايەۆ مەملەكەت باسشىلارىنا 5 قادامدىق باعدارلامانى ۇسىندى. وندا بىرلەسكەن ءىس- ارەكەتتەرىنىڭ باعىتتارى كورسەتىلگەن.
ن. نازاربايەۆتىڭ «سوعىستا جاپپاي قىرىپ- جوياتىن قارۋلار - يادرولىق، حيميالىق، بيولوگيالىق جانە عىلىم جەتىستىگى نەگىزىندە ويلاپ تابىلاتىن باسقا دا كەز كەلگەن قارۋ تۇرلەرىن قولدانۋدان قاشىپ قۇتىلۋ مۇمكىن بولمايدى. بۇل بۇكىل ادامزاتتىڭ قىرىلۋىنا الىپ كەلەدى» دەگەن سوزدەرى وتە دۇرىس ايتىلدى، دەيدى ول.
ن. نازاربايەۆ مانيفەسىندە «جاپپاي قىرىپ- جوياتىن جاڭا قارۋ تۇرلەرىن جاساۋ ءۇشىن عىلىمي جاڭالىقتاردى پايدالانۋعا تىيىم سالاتىن حالىقارالىق قۇجات ازىرلەپ، ونى ورىنداۋدى مىندەتتەۋ ماڭىزدى» ەكەنىنە باسا توقتالدى.
اتاپ ءوتۋ كەرەك، يادرولىق قارۋسىزدانۋ ماسەلەسى ب ۇ ۇ فورۋمدارىندا بىرنەشە رەت كوتەرىلگەن. الايدا، يادرولىق دەرجاۆالاردىڭ بارلىق ليدەرلەرى مۇنداي كەلىسسوزدەردى تەزدەتىپ جۇرگىزۋگە دايىن ەكەنىن كورسەتىپ جاتقان جوق. ماسەلەن، ب ۇ ۇ باس اسسامبلەياسىنىڭ 70- سەسسياسىندا قازاقستان جاھاندىق ستراتەگيالىق باستاما-2045 جوسپارىن جاساۋ باستاماسىن ىلگەرىلەتتى. بۇل رەتتە ن. نازاربايەۆتىڭ ب ۇ ۇ- نىڭ قارۋسىزدانۋ جونىندەگى كونفەرەنسياسى قىزمەتىنىڭ جاڭا ستراتەگياسى قاجەت دەگەن پىكىرى وتە ورىندى.
