ءماشھۇر ءجۇسىپ پەن شاكارىمنىڭ سوڭعى كەزدەسۋى
شاكارىم قۇرداسى ءماشھۇر جۇسىپتەن «مىنا جاڭا زامان قالاي بولادى؟» - دەپ سۇرايدى.
ءماشھۇر ءجۇسىپ: - «بۇل - الاساپىران زامان. بۇل - سوتسياليزم دەگەن زامان، ماعىناسى قۇدايسىزدار قوعامى دەگەن، دۇنيەكەزەك دەگەن بار ەمەس پە، ءبىر كەزدە - قۇداي دەگەن قۇستاي ۇشادى، دەدىك، ەندى قۇداي دەگەن، مۇرتتاي ۇشاتىن زامان بولادى، كورەشەك الدا. ءتىرى قالعانىڭ كورەسىڭ. شاكارىم، جاعداي وسىلاي»، - دەگەن ەكەن.
مۇسا اسىنان كەيىن ءتورت كۇن ەلدە قوناق بولىپ، ەندى قايتام دەگەن دوسى شاكارىم قاجىعا ءماشھۇر ءجۇسىپ ايتقان ەكەن: «از عانا ۋاقىت، ءتورت- اق كۇن بىرگە بولدىق. بۇل ەكەۋمىزدىڭ اقىرعى كەزدەسۋىمىز بولار، جاس تا كەلدى، تاعدىر دا جاقىن. دۇنيە كوشكەن كەرۋەن عوي، دۇنيەگە بىرگە كەلدىك، بىرگە جۇردىك. ەندى سول كەرۋەنىمىزبەن بىرگە كەتۋىمىز كەرەك قوي. ءبىرىمىزدىڭ اجالىمىز اللادان بولار، ءبىرىمىزدىڭ اجالىمىز ادامنان بولار. جاس تا كەلدى، تاعدىر دا جاقىن. اقىرعى كەزدەسۋىمىز وسى بولار. قوش ساۋ بول!» - دەپ قوش ايتىسىپ اتتانادى.
ەكەۋى قۇشاقتاسىپ، كەشۋ الىسىپ، قوشتاسادى. ەكەۋىنىڭ تۋعان جىلى دا، وتكەن جىلى دا ءبىر ەكەن: 1858-1931 -جىلدار ارالىعىندا ءومىر سۇرگەن. ءماشھۇر اۋليەنىڭ ايتقانى كەلىپ، ءوزى سول جىلى 27 - قاراشادا ءوز اجالىنان ولەدى، ال شاكارىم قاجىنى كۇز ورتاسىندا شىڭعىستاۋدىڭ ابزال قاراسارتوۆ باستاعان «گەپاۋدىڭ» قىزمەتكەرلەرى اتىپ، سول ماڭداعى قۇدىققا تاستاپ كەتكەن. كەيىن شاكارىم قاجىنىڭ بالاسى احات ەلدىڭ ايتۋىمەن تاۋىپ، سۇيەگىن اتاسى قۇنانبايدىڭ جانىنا قويعان.
«ءماشھۇر ءجۇسىپ كوپەيەۆ» كىتابىنداعى تولەپبەرگەن الدابەرگەنوۆتىڭ جازعانىنان ىقشامدالىپ الىندى.
