الماتىدا جالپى قالالىق سەنبىلىككە قالا اكىمى مەن تانىمال ونەر قايراتكەرلەرى قاتىستى - فوتو

الماتى. قازاقپارات - سەنبى كۇنى الماتىدا قالانى اباتتاندىرۋ جانە سانيتارلىق تازارتۋ ماقساتىندا جالپى قالالىق سەنبىلىك ۇيىمداستىرىلدى.

الماتى قالاسى اكىمى باسپا ءسوز قىزمەتىنىڭ حابارلاۋىنشا، سەنبىلىك بارىسىندا كوشەلەردىڭ جيەكتەرى، ارىقتار جەلىسى، اۋلالار، بوس جاتقان جەرلەر، ساياباقتار، گۇلباقتارى، گۇلزارلار، وزەن مەن سۋ ايداندىرانىڭ جاعالاۋلارى جانە باسقا دا جەرلەر قوقىستاردان تازارتىلدى.

تۇركىسىب اۋدانىنداعى باۋم شاعىن ورمانىندا باستالعان شاراعا الماتى قالاسىنىڭ اكىمى باۋىرجان بايبەك پەن ونىڭ ورىنباسارلارى، اكىم اپپاراتى مەن قالالىق باسقارمالاردىڭ قىزمەتكەرلەرى، قالالىق ءماسليحاتتىڭ دەپۋتاتتارى، مادەنيەت جانە ونەر قايراتكەرلەرى، سپورتشىلار جانە قالا جۇرتشىلىعىنىڭ وكىلدەرى قاتىستى. ولاردىڭ اراسىندا ق ر حالىق ءارتيسى روزا رىمبايەۆا، ءانشى ءالي وقاپوۆ، بوكستان سيدنەي وليمپياداسىنىڭ چەمپيونى ەرماحان ىبىرايىموۆ، «وتىرار سازى» مەملەكەتتىك اكادەميالىق فولكلورلىق- ەتنوگرافيالىق وركەستردىڭ باس ديريجەرى ءدىنزۋحرا تىلەنديەۆا، بوكستان قازاق قىزدارى اراسىندا تۇڭعىش الەم چەمپيونى نازىم قىزايباي، «مۋزارت» توبىنىڭ ءانشىسى، ق ر ەڭبەك سىڭىرگەن قايراتكەرى ساكەن مايعازيەۆ، ەسترادا جانە دجاز ءانشىسى جاننا ورىنباساروۆا، قالالىق ءماسليحات دەپۋتاتى جانە اكتەر اسىلحان تولەپوۆ جانە باسقا دا بەلگىلى تۇلعالار بولدى.

سونىمەن قاتار، بۇل جالپىقالالىق سەنبىلىككە قالاداعى اۋدان اكىمدىكتەرى، پاتەر يەلەرى كووپەراتيۆتەرى، زاڭدى تۇلعالار، جاستار مەن باسقا دا قوعامدىق ۇيىمداردىڭ وكىلدەرى، ورتا مەكتەپتەر مەن كاسىپتىك- تەحنيكالىق ءبىلىم بەرۋ مەكەمەلەرىنىڭ وقۋشىلارى جانە جوعارى وقۋ ورىندارىنىڭ ستۋدەنتتەرى قاتىستى.

الماتىنىڭ بارلىق 8 اۋدانىندا جۇرگىزىلگەن جاپپاي تازارتۋ، اباتتاندىرۋ جانە اعاش وتىرعىزۋ جۇمىستارىنا بارلىعى 300 مىڭنان استام ادام اتسالىستى.

سەنبىلىك بارىسىندا 16 مىڭ اعاش كوشەتى وتىرعىزىلدى. سولاردىڭ ىشىندە قىلقان جاپىراقتى 50 اعاش كوشەتى ەندى باۋم شاعىن ورمانىندا ءوسىپ جەتىلەتىن بولادى.

بيىلعى كوكتەم مەزگىلىندە قالا بويىنشا بارلىعى 20 مىڭعا جۋىق اعاش كوشەتتەرىن وتىرعىزۋ كوزدەلگەن.

سەنبىلىككە 853 ارنايى تەحنيكا جۇمىلدىرىلدى. سولاردىڭ ارقاسىندا قالا سىرتىنا بارلىعى 10265 تەكشە مەتر قوقىس شىعارىلدى.

بۇدان باسقا، قالانىڭ ەستەتيكالىق كوركىن جاقسارتۋ ىسىنە دە ەرەكشە كوڭىل ءبولىندى. ياعني، قورشاۋلار، ورىندىقتار، قوقىس جاشىكتەرى، تۋرنيكەتتەر، باعانالار، جارناما تاقتالارىن سىرلاۋ جۇمىستارى جۇرگىزىلدى.

         

اۆتور: ايبوتا جاپپاربەرگەن