بۇرىنعى ساياساتكەر ءبۇتىن ءبىر ۇلتتى جويماق بولعانى ءۇشىن ايىپتالدى

استانا. قازاقپارات - رۋاندا بيلىگى بۇرىنعى تانىمال ساياساتكەر لەون مۋگەسەرانى بەلگىلى ءبىر ۇلتتى جويىپ جىبەرۋگە ارنالعان ارەكەتتەرى ءۇشىن ءومىر بويىنا باس بوستاندىعىنان ايىردى.

ول 1992 -جىلى تۋتسي ۇلتىنىڭ وكىلدەرىن تۇگەلدەي جويىپ جىبەرۋ تۋرالى ءسوز سويلەگەن. ال كەيىن 6 اي ىشىندە 8 مىڭ ادام قازا تاپقان. اجال قۇشقانداردىڭ دەنى تۋسي ۇلتىنان بولىپ شىقتى. وسى ىسكە قاتىستى قىلمىستىق ءىستى رۋاندانىڭ حالىقارالىق سوتى 1994 -جىلى قولعا العان ەدى. بىرنەشە ادامدى جازالادى. ولاردىڭ اراسىندا سول كەزدەگى وڭشىل پارتيانىڭ ءتوراعاسى بار. ال ل. مۋگەسەرا كاناداعا قاشىپ ۇلگەرگەن. ءبىراق ۇزاق جىلدار بويى جۇرگىزىلگەن كەلىسسوزدەن كەيىن 2012 -جىلى ول رۋانداعا ەكستراديتسيالاندى. ال سوت شىعارعان ۇكىممەن كەلىسپەيتىنىن ايتقان بۇرىنعى ساياساتكەر ەندى اپەللياتسيالىق شاعىم تۇسىرمەك.

www.24.kz