ن. نازاربايەۆ جاپونيا يمپەراتورى اكيحيتوعا كوڭىل ايتۋ جەدەلحاتىن جولدادى

استانا. قازاقپارات - مەملەكەت باسشىسى نۇرسۇلتان نازاربايەۆ جاپونيا يمپەراتورى اكيحيتوعا كوڭىل ايتۋ جەدەلحاتىن جولدادى.

بۇل تۋرالى اقوردانىڭ باسپا ءسوز قىزمەتى حابارلادى.

جەدەلحاتتا وتكەن اپتادا كيۋسيۋ ارالىنداعى جەر سىلكىنىسى سالدارىنان كوپتەگەن ادامنىڭ قازا بولعانى جانە زارداپ شەككەنى تۋرالى حاباردى ەلباسىنىڭ زور كۇيزەلىسپەن قابىلداعانى اتاپ وتىلگەن.

نۇرسۇلتان نازاربايەۆ جاقىندارىنان ايرىلعان وتباسىلارعا، يمپەراتور اكيحيتوعا جانە بۇكىل جاپون حالقىنا قازاقستان حالقىنىڭ جانە جەكە ءوزىنىڭ اتىنان كوڭىل ايتتى، سونداي-اق تابيعات اپاتىنان زارداپ شەككەندەردىڭ تەزىرەك ساۋىعىپ كەتۋىنە تىلەكتەستىگىن ءبىلدىردى.