كوكتوبەدەگى ماحاببات مەرەكەسى - فوتو
مەرەكە كۇنى ىلە الاتاۋىنىڭ بوكتەرىندەگى كورىكتى مەكەنگە اسىققاندار كوپ بولدى. ءبىز دە جۇرتتان قالىسپاي كوكتوبەگە ەرتە جەتتىك. شىنىن ايتساق، الاقانداعىداي كورىنەتىن ارۋ قالا الماتىنىڭ سۇلۋلىعىنا تامسانۋعا اسىقتىق.
جولاي قالانى سۋرەتكە تۇسىرە باستادىق.
قالاداعى ەڭ ۇزىن (ءتىپتى ەلىمىزدەگى) كوشەلەردىڭ ءبىرى - ءال- فارابي داڭعىلى ايقىن كورىنەدى.
الىستان مەنمۇندالاعان "قازاقستان" قوناق ءۇيى
كوكتوبەنىڭ ەڭ بيىگىنە شىققاندا ءبىرىنشى المانى كورۋشى ەدىك...
ال قازىر مىنا "الىپ" اتكەنشەك بىردەن كوزگە تۇسەدى ەكەن.
ال مىنا جيەكتەمەگە (رامكا) تۇرىپ، ەستەلىك سۋرەتكە تۇسۋگە بولادى. قايتا جوندەۋ جۇمىستارى جۇرگىزىلگەننەن كەيىن وسىنداي ارنايى الاڭ جاسالعان.
ال مىنا التىباقاندا تەربەلۋ اقىلى ەكەن.
2015 -جىلى جاڭارتىلىپ، ىسكە قوسىلعان جاڭا اسپالى ارقان جولدار.
كوكتوبەگە كەلگەن قۇرمەتتى قوناقتار تاقتاسى.
كەشكى مەرەكە باستالعانشا كوكتوبەنىڭ زووباعىن ارالىپ شىعۋدى ۇيعاردىق.
مۇندا ءتۇرلى ءۇي جانۋارلارى مەن ءتۇرلى دالا، تاۋ جانۋارلارىن كەزدەستىرۋگە بولادى.
ءتورت تۇلىكپەن قاتار، مارال دا بار ەكەن.
اقىسىن تولەپ، قوياندارعا قولدان ءسابىز بەرۋگە بولادى.
ءبىز زووباق پەن وزگە دە ءتۇرلى اتتراكتسيونداردى ارالاپ، ەستەلىككە زاتتار الىپ جۇرگەندە ىمىرت جابىلىپ، كەشكى مەرەكە باستالىپ كەتكەنىن اڭعارماي دا قالدىق. ءبىر اتتەگەن- ايى، كوركەيە تۇسكەن كوكتوبەنى تولىق سۋرەتكە ءتۇسىرىپ ۇلگەرمەدىك. تاعى بىردە ارنايى رەپورتاج جاسارمىز. بۇگىن باستىسى - مەرەكەلىك كوڭىل- كۇيدى جەتكىزگىمىز كەلگەن. ولاي بولسا كەشىمىزدى باستايىق!
كەشتە كەشكى ءبي اۋەندەرى ورىندالدى. DJ Fest, DGJ- Da Gudda Jazz, This blind, تۇرار راحيمبەرلين جانە ت. ب. ءانشى- رەپەرلەر ونەر كورسەتتى.
بالكىم، كورەرمەندەر قازاقتىڭ ناعىز ماحاببات تاقىرىبىنداعى ۇزدىك اۋەندەرىن ىزدەپ كەلگەن بولار...
ءان اۋەنىنە ىرعاتىلىپ، بيلەي باستادى. ال ءبىز ءبي باستالعاننان كەيىن كەشكى كوكتوبەنى تاماشالاۋعا قايتا شىقتىق.
"وتتى شارلار" ۇشىرۋعا تالپىنعان عاشىقتار كوپ بولدى. ءبىراق، ۇشىرۋعا تىيىم سالىنىپتى.
كوكتوبەدەگى كەش جاستارعا مەرەكەلىك شاتتىق سىيلاپ، بارلىعى كوڭىلدى تارقاستى. ولاي بولسا، ءسوز سوڭىندا "عاشىقتار مەرەكەسى قۇتتى بولسىن" - دەيمىز!
massaget.kz
