ءۇندىستاندىق موناح قازاقتارعا ەت جەمەۋگە كەڭەس بەردى
ءۇش كۇندىك ساپارى بارىسىندا بحاكتي ادامداردى مانترا مەدياتسياعا ياعني، اقىل- ويدى شوعىرلاندىرۋعا ۇيرەتتى. سالاۋاتتى ءومىر سالتىن ۇستانىپ، يوگامەن اينالىساتىن ءدىندار ءوزىنىڭ تاماقتانۋ قۇپياسىمەن ءبولىستى.
موناح تاماقتانۋ كەزىندە جانۋار ەتىنەن باس تارتقان ياعني، ۆەگەتاريان بولعان ءجون دەپ سانايدى.
«ونسىز دا الەمدە زورلىق- زومبىلىق كوپ. ۆەگەتەرياندىق ءومىر سالتىن ۇستانبايتىندار جان- جانۋارلاردى سويۋدى قولدايدى. بۇكىل الەمدىك كارما زاڭى بويىنشا، ءار ارەكەتتىڭ كەرى اسەرى بولادى. ادامدار وسى ارەكەتتەرى ارقىلى زورلىق- زومبىلىققا ۇلەس قوسىپ وتىرمىن دەپ ءتۇسىنۋى كەرەك»، - دەيدى موناح.
ۇندىلىك ازامات مايلى تاعامداردى دا قۇپ كورمەيدى ەكەن.
«قازىرگى تاڭدا زياندى تاعامداردى ناسيحاتتايتىندار كوپ. مەن بالا كەزدەن تاعام ازىرلەگەندى جاقسى كورەم. اس ازىرلەپ، ءۇندىستاندا مەكتەپ وقۋشىلارىنا تاراتۋدى ۇيىمداستىرعان ەدىم. ال ءوزىمنىڭ تاماقتانۋ رەجيمىمە كەلسەم، مەن تەك جاڭا دايىندالعان سالاتتاردى عانا تۇتىنامىن. ءداندى داقىلدار مەن قانت جەمەيمىن. زياندى مايلاردى دا قولدانبايمىن. ويتكەنى، كوپتەگەن مايلار ادامدى اقىرى جوق قىلىپ تىنادى»- دەيدى ول.
بحاكتي بحرينگا گوۆيندا سۆامي ماحارادجدىڭ قازىرگى تۇراعى - ءۇندىستان. ال قازاقستاندى «ەكىنشى ءۇيىم» دەپ سانايدى. ونىڭ بۇلاي سانايتىنداي ءجونى بار. ويتكەنى، اقتوبەنىڭ وزىندە ونىڭ ءىلىمىن ۇستاناتىنداردىڭ سانى 60 قا جەتكەن. ولاردىڭ اراسىندا قازاقتىڭ قىز- جىگىتتەرى دە از ەمەس.
Nur.kz
