تاشكەنتتەگى ازيا بىرىنشىلىگىندە قازاق پالۋاندارى جۇلدە قورى بويىنشا ءبىرىنشى ورىندا
ازيا بىرىنشىلىگى قازاق قۇراماسى ءۇشىن ءساتتى باستالدى، دەپ حابارلادى دزيۋدو فەدەراتسياسى.
ازيا بىرىنشىلىگىندە 48 كەلى سالماقتا قازاقستاندىق سپورتشى و. گالبادراح اقتىق سىندا باستى قارسىلاسى، الەمدىك رەيتينگتىڭ كوشىن باستاپ تۇرعان موڭعول سپورتشىسى مۋنحبات ۋرانسەگسەگتى جەڭىپ، التىنعا قول جەتكىزدى. ال، ماريان وردابايەۆا 63 كەلىگە دەيىنگى سالماقتا اقتىق كەزدەسۋدە جاپون بالۋانىن جەڭىپ، ازيا چەمپيونى اتاندى.
ەرلەر اراسىندا 60 كەلىگە دەيىنگى سالماق دارەجەسىندە ەلدوس سمەتوۆ فينالدا وزبەك دزيۋدوشىسى ديوربەك ۋروزبويەۆتان ايلاسىن اسىرىپ، ءبىرىنشى ورىنعا يە بولدى.
ەلدوس جۇماحانوۆ 66 كەلىدە قولا جۇلدەنى جەڭىپ السا، جاس پالۋان ديدار حامزا 73 كەلىدە كۇمىستى قاناعات تۇتتى.
رۋستام ىبرايەۆتا جەڭىس تۇعىرىنا جاقىن بولدى، الايدا ول داستان ىقىبايەۆپەن بىرگە بەسىنشى ورىنعا عانا تۇراقتادى.
وسىمەن، العاشقى جارىس كۇنى قازاقستان كومانداسىنىڭ قورجىنىندا ءۇش التىن مەن ءبىر كۇمىس جانە ءبىر قولا بار. ناتيجەسىندە، قازاقستان جۇلدە قورى بويىنشا ءبىرىنشى ورىندا تۇر.
