ا ق ش- تا جەكە ادامدار يەلىگىندەگى جولبارىستار تۇمسا تابيعاتتاعىدان الدەقايدا كوپ
دەگەنمەن Foreign Policy حابارلاۋىنشا، قازىرگى كەزدە ا ق ش- تا باقتاردا، ۇيلەر مەن پاتەرلەردە 5000 ءۇي جولبارىستارى ءومىر ءسۇرىپ جاتىر ەكەن. ال زووپاركتەردە ولاردىڭ سانى - 350 عانا. 1990 -جىلدان باستاپ امەريكادا مۇنداي «ءۇي مىسىقتارى» (جولبارىستار، لەوپاردتار، ارىستاندار) 23 ادامدى ولتىرگەن، 259 ادام جاراقات العان، دەپ حابارلايدى Big Cat Rescue قاۋىمداستىعى.
ا ق ش بالىق رەسۋرستارى مەن جابايى جانۋارلاردى قورعاۋ قىزمەتىنىڭ باسپا ءسوز حاتشىسى گەۆينا شايرانىڭ ايتۋىنشا، جىرتقىشتاردىڭ يەلەرى بۇل جونىندە حابارلاۋى مىندەتتى ەمەس (ولاردى ساتاردا بولماسا)، سوندىقتان دا ەلدە ءۇي تۇتقىنىنداعى جولبارىستار سانى 10000 عا تاقاپ قالدى.
امەريكانىڭ التى شتاتىندا (سولتۇستىك جانە وڭتۇستىك كارولينا، ۆيسكونسين، نەۆادا، الاباما جانە ۆيردجينيا) جىرتقىشتاردى قولدا ۇستاۋدى رەتتەۋ شارالارى قاراستىرىلماعان. 14 شتاتتا مۇنداي قاجەتتى رۇقسات بار، ال 30 ىندا وعان تىيىم سالىنعان. سوڭعىسىنا نيۋ-يورك تە جاتادى. الايدا 2003 -جىلى گازەتتەردىڭ ءبىرىنشى بەتتەرىندە گارلام پاتەرىنىڭ جولبارىسى پايدا بولدى. بىرەۋلەر جاۋنار سىدىگىنىڭ قاتتى يىسىنە شاعىمداندى، اقىرىندا جولبارىس ءوزىنىڭ يەسىن جاراقاتتادى. پوليتسيا ارالاسقاننان كەيىن عانا جىرتقىش اڭ وگايو زووباعىنا اتتاندىرىلدى.
«جىرتقىشتاردى جاقسى كورىپ، ماپەلەيتىندەر بار، ال ولار كەيىننەن ناعىز تاعى عا اينالىپ، جاعداي باقىلاۋدان شىعىپ كەتەدى، - دەپ جازدى حالىقارالىق جانۋارلاردى قورعاۋ قورىنىڭ وكىلى The New York گازەتىندە، - كوبىنە جانۋارلاردى يەسىز قالدىرىپ كەتەتىن جانە قاۋىپتى جاعدايدا ۇستايتىندار دا جەتكىلىكتى».
