07:48, 16 - ءساۋىر 2016 | GMT +5
اتىراۋ وبلىسىندا ءيتبالىقتاردىڭ جاپپاي قىرىلۋى بايقالدى
اتىراۋ. قازاقپارات - اتىراۋ وبلىسىنىڭ جىلوي اۋدانى اۋماعىنداعى كاسپي تەڭىزىنىڭ جاعالاۋىندا ءيتبالىقتاردىڭ جاپپاي قىرىلۋى بايقالدى.
«ءيت بالىقتاردىڭ قىرىلۋى «پرورۆا» كەنورىنى اۋدانىندا بايقالدى. ازىرگە بەلگىلىسى، ولاردىڭ سانى - 40. ءولى ءيتبالىقتاردى «تەنيزسەرۆيس» كومپانياسىنىڭ قىزمەتكەرلەرى 14 -ءساۋىر كۇنى تاپقان. كەشە ەكولوگتار مەن مال دارىگەرلەردەن تۇراتىن جەدەل توپ قۇرىلدى. توپ وقيعا ورنىنا اتتاندى. ول جەردەگى سۋ قۇرامى مەن وقيعا وشاعىنان سىناما الىنادى. سونداي-اق، ءولى ءيت بالىقتاردىڭ دەنەسى زەرتتەۋگە جىبەرىلەدى»، دەپ حابارلادى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ جەتەكشىسى مۇرات ەرمەكقاليەۆ.
