21:57, 15 - ءساۋىر 2016 | GMT +5
قازاقستان حالىقارالىق ۆاليۋتا قورىنان قارىز المايدى - د. اقىشيەۆ
استانا. قازاقپارات - قازاقستان حالىقارالىق ۆاليۋتا قورىنان قارىز الۋدى جوسپارلامايدى. بۇل تۋرالى Reuters اگەنتتىگىنە ءوزىنىڭ ۆاشينگتون قالاسىندا وتەتىن ح ۆ ق جانە دۇنيەجۇزىلىك بانكتىڭ كوكتەمگى كەزدەسۋلەرىنە قاتىسۋى قارساڭىندا ق ر ۇلتتىق بانكىنىڭ باسشىسى دانيار اقىشيەۆ حابارلادى.
«ءبىز ح ۆ ق- دان ەشقانداي قارىز نەمەسە وزگە دە قارجىلىق كومەك الۋدى جوسپارلاپ وتىرعان جوقپىز»، - دەپ اتاپ ءوتتى دانيار اقىشيەۆ.
د. اقىشيەۆتىڭ ايتۋىنشا، ۇلتتىق بانك ماكروەكونوميكالىق اۋىسپالىلاردى بولجاۋ جانە تالداۋ جۇيەسىن دامىتۋ جونىندەگى تەحنيكالىق كومەك الۋ شەڭبەرىندە حالىقارالىق ۆاليۋتا قورىمەن بىرلەسكەن جۇمىستى جالعاستىرۋدى جوسپارلاپ وتىر.
