ەكسترەميستىك جانە لاڭكەستىك ۇيىمداردىڭ جاڭا سىن- قاتەرلەرى ءتيىستى شارالار قابىلداۋعا ماجبۇرلەيدى - ن. ەرمەكبايەۆ

 تاشكەنت. قازاقپارات - ش ى ۇ- عا مۇشە مەملەكەتتەر قاۋىپسىزدىك كەڭەسىنىڭ حاتشىلارى وڭىردەگى اسكەري- ساياسي جاعدايدى، ونىڭ ىشىندە ەسىرتكىنىڭ زاڭسىز اينالىمى، زاڭسىز كوشى- قون جانە ۇيىمداسقان قىلمىسقا قارسى ءىس- قيمىل ماسەلەلەرىن تالقىلادى.

 «بۇدان باسقا وسى جىلعى ماۋسىمدا تاشكەنتتە جوسپارلانعان ش ى ۇ سامميتىنە دايىندىق، اتاپ ايتقاندا قۇجاتتار تىزبەسى تالقىلانىپ، ءتيىستى حاتتاماعا قول قويىلدى»، - دەپ حابارلادى ق ر قاۋىپسىزدىك كەڭەسىنىڭ حاتشىسى ن. ەرمەكبايەۆ تاشكەنتتە جۋرناليستەرگە.

«قازىرگى ۋاقىتتا ەكسترەميستىك، لاڭكەستىك توپتاردىڭ جاڭا سىن- قاتەرلەرى، نىساندارى مەن ادىستەرى كيبەرقاۋىپسىزدىك باعىتىندا جاڭا شارالار، تاسىلدەر ازىرلەۋگە، اقپارات الماسۋعا، جاڭا دەرەكقور بازاسىن جاساۋعا ماجبۇرلەيدى. كەڭەستىڭ بارلىق قاتىسۋشىلارى ب ۇ ۇ باس اسسامبلەياسىندا ق ر پرەزيدەنتى ن. نازاربايەۆ ايتقان لاڭكەستىكپەن كۇرەس جانە لاڭكەستىك ۇيىمنىڭ ءبىرىڭعاي تىزبەسىن جاساۋ جونىندەگى جاھاندىق كواليتسيانى قۇرۋ ماسەلەسىن قولدادى. اقپاراتتىق قاۋىپسىزدىكتى قامتاماسىز ەتۋ بولىگىندە ناقتى شارالار مەن جوسپارلار بەلگىلەندى» ، - دەپ اتاپ ءوتتى ن. ەرمەكبايەۆ.

 14 - ساۋىردە تاشكەنت قالاسىندا ش ى ۇ- عا مۇشە- مەملەكەتتەردىڭ قاۋىپسىزدىك كەڭەستەرى حاتشىلارىنىڭ وتىرىسى ءوتتى. سونىمەن بىرگە، سول كۇنى دەلەگاتسيا باسشىلارىن وزبەكستان رەسپۋبليكاسىنىڭ پرەزيدەنتى يسلام كارىموۆ قابىلدادى.