قازاق پەن وزبەك حالقىنىڭ دوستىعىن ماقتان تۇتامىن - ن. نازاربايەۆ
دەپ حابارلايدى اقوردانىڭ باسپا ءسوز قىزمەتى.
سونىمەن بىرگە، نۇرسۇلتان نازاربايەۆ پەن يسلام كارىموۆپەن حالىقارالىق كۇن ءتارتىبىن، وڭىرلىك قاۋىپسىزدىكتى قامتاماسىز ەتۋدڭ وزەكتى ماسەلەلەرىن، سونداي- اق تاشكەنتتە وتكىزۋ جوسپارلانعان ش ى ۇ ءسامميتى جايىن تالقىلادى.
قازاقستان پرەزيدەنتى ەكى ەلدىڭ اراسىنداعى تاريحي دوستاستىق قارىم- قاتىناستى اتاپ ءوتتى.
«ءبىز بۇل بايلانىستاردى تاۋەلسىزدىك جىلدارى ساقتاپ قانا قويماي، مەملەكەتتەرىمىزدى جاقىنداستىرا تۇستىك. بۇل ورايدا، كورشى رەتىندەگى ءبىزدىڭ رياسىز نيەتپەن كەزدەسۋ تاجىريبەمىزدىڭ ماڭىزى زور. مەن سىزبەن دوستىعىمدى، قازاق پەن وزبەك حالقىنىڭ دوستىعىن ماقتان تۇتامىن. ماقسات - وسى قارىم- قاتىناستاردى، ءوزارا سەنىمدى نىعايتىپ، كەلەسى ۇرپاققا ميراس ەتىپ قالدىرۋ. بارشا قازاقستاندىقتار اتىنان وزبەك حالقىنا تابىس پەن باق- بەرەكە تىلەيمىن»، - دەدى نۇرسۇلتان نازاربايەۆ.
ي. كارىموۆ ەكى مەملەكەت اراسىندا شىنايى دوستىق قارىم- قاتىناس، قۇرمەت پەن ءوزارا تىلەۋلەستىك بار ەكەنىن ايتتى.
«ءبىز ءومىر ءسۇرىپ جاتقان قازىرگىدەي كۇردەلى كەزەڭدە ءدال وسى قاسيەتتەر قاجەت. نۇرسۇلتان نازاربايەۆتىڭ بۇل ساپارى قازىرگى جاعدايدا دۇرىس شەشىمدى بىرلەسىپ ىزدەۋ جولىندا پىكىر الماسۋ ءۇشىن دە ماڭىزدى. الەمدىك ەكونوميكادا داعدارىس جالعاسۋدا، دۇنيە ءجۇزىنىڭ ەشبىر مەملەكەتى قيىندىقتان كەندە ەمەس. ءبىز دۇرىس جولمەن ءجۇرىپ، ءاردايىم باعىتىمىزدى بىرلەسە بايىپتاپ وتىرۋدى قالايمىز»، - دەدى وزبەكستان پرەزيدەنتى.
