تۇندە بەتى اشىق قالعان تاعامدى جەۋگە بولا ما؟

استانا. قازاقپارات - تۇندە بەتى اشىق قالعان تاعامدى جەۋگە بولا ما؟

حالقىمىزدا تۇندە تاعامنىڭ بەتى اشىق قالماۋى ءتيىس دەگەن ۇعىم بار. انالارىمىز ىدىستىڭ بەتىن جاباتىن قاقپاعى بولماي قالعان جاعدايدا بەتىنە «ءبيسميللا» دەپ جىڭىشكە اعاش سيقتى نارسەنى كولدەنەڭ قوياتىن.

ءجابير (ر. ا) جەتكىزگەن حاديستە اللا ەلشىسى (س. ع. س): «ىدىستارىڭنىڭ (سۋ، تاماق) بەتىن جابىڭدار، ەسىكتەرىڭدى (تۇندە) اشىق قالدىرماڭدار جانە شىراقتارىڭدى سوندىرىڭدەر. اقيقاتىندا، شايتانعا سۋسىن بەرۋ، وعان ەسىكتەردى اشۋ جانە ىدىستاردى اشىق (الدىنا تاماق جايىپ قويۋ) قالدىرۋ حالال ەمەس. بىرەۋلەرىڭ ىدىستىڭ بەتىن جاباتىن نارسە تابا الماسا، «ءبيسميللا» دەپ ىدىستىڭ بەتىنە كولدەنەڭ ءبىر نارسەنى قويسىن...» [1] دەسە، تاعى ءبىر حاديستە: «ىدىستارىڭنىڭ (سۋ، تاماق) بەتىن جابىڭدار. راسىندا ءبىر جىل ىشىندە وبا اۋىرۋى جۇرەتىن ءبىر ءتۇن بار. بۇل وبا اۋىرۋى تەك اشىق ىدىستاعى تاعامدارعا تۇسەدى» [2] دەگەن.

 ابدۋساماد وقان

[1]شارحۋ ءان- ناۋاۋي ءعالا ءمۇسليم، كيتابۋل ءاشريبا، 96-حاديس، 1277-بەت.

[2] شارحۋ ءان- ناۋاۋي ءعالا ءمۇسليم، كيتابۋل ءاشريبا، 99-حاديس، 1279-بەت.