اسىلحان تولەپوۆ بايان ەسەنتايەۆاعا كۇيەۋ بالا بولماق - فوتو

استانا. قازاقپارات - كوپشىلىككە «جاۋجۇرەك مىڭ بالا» فيلمى ارقىلى تانىلعان اسىلحان تولەپوۆ پروديۋسەر ەسەنتايەۆاعا كۇيەۋبالا بولماق.

ءبىراق شىنايى ومىردە ەمەس، «ەركەمىن» اتتى كەزەكتى بەينەباياندا. اتالعان تۋىندىدا اكتەر ەركە ەسماحاننىڭ عاشىعىن سومدايدى.

بۇل تۋرالى Stan.kz حابارلايدى.

ءساۋىردىڭ 10 ى كۇنى اسىلحان تولەپوۆ ەسەنتايەۆا حانىمنىڭ الماتىنىڭ تورىنە جايعاسقان Central ءدامحاناسىنا قوناق بولىپ بارعان-دى. بۇل كەزدەسۋدىڭ سەبەبى بەلگىلى بولدى. اكتەر ەركە ەسماحاننىڭ كەزەكتى بەينەبايانىنا تۇسپەك.

شوۋ-بيزنەس سالاسىندا ون جىلدان بەرى تاجىريبە جيناپ ۇلگەرگەن ەسەنتايەۆا حانىم حالىقتىڭ تالعامىن تانىپ بىلگەن سياقتى. ەركە ەسماحانعا ارنالعان كەزەكتى تۋىندى رەترو ستيلدە بولماق. بەينەبايان «ەركەمىن» اتتى انگە تۇسىرىلەدى.

اتالعان ءاننىڭ ءۇزىندىسى بىرنەشە كۇن بۇرىن تىڭدارماندارعا ۇسىنىلعان بولاتىن. ماحاببات تاقىرىبىنا ارنالعان بەينەباياندا عاشىقتار ءرولىن اسىلحان تولەپوۆ پەن ەركە ەسماحان سومدايدى. بەينەباياننڭ كورەرمەنگە قاشان جول تارتاتىنى ازىرگە بەلگىسىز.