09:00, 15 - ءساۋىر 2016 | GMT +5
الەمدى الاڭداتقان پوليوميەليت اۋرۋىنىڭ قاۋپى تاياۋدا تولىق جويىلادى - د د س ۇ
استانا. قازاقپارات - دۇنيەجۇزىلىك دەنساۋلىق ساقتاۋ ۇيىمى (د د س ۇ) پوليوميەليت سىرقاتى(جۇلىننىڭ قابىنۋى، نەگىزىنەن ورتالىق جۇيكە جۇيەسىن زاقىمدايتىن جۇقپالى اۋرۋ، سال اۋرۋى تارىزدەس - رەد.) الەمدە ەڭسەرىلدى، دەپ مالىمدەدى.
سىرقات تەك - اۋعانستان مەن پاكىستاندا عانا ساقتالعان.
پوليوميەليتتى جويۋ ءۇشىن ءساۋىر ايىنان 150 مەملەكەت يناكتيۆتى ۆاكسينالاۋعا (ي پ ۆ) كوشەدى. بۇل تۋرالى د د س ۇ حابارلادى.
ي پ ۆ زارارسىزداندىرىلعان ۆيرۋس نەگىزىندە ازىرلەنەدى جانە تەرى استىنا نەمەسە بۇلشىق ەتى ىشىنە ەگىلەدى. يممۋنيتەتتى قالىپتاستىرۋ ءۇشىن ەكى ەكپە جەتكىلىكتى.
ت م د ەلدەرىندە كۇنى بۇگىنگە دەيىن اۋىزبەن قابىلدايتىن ۆاكسينانى قولدانادى. ول سەنىمدىلىگى تومەن ءتاسىل ءارى كوپ مارتە قولدانۋدى تالاپ ەتەدى.
