استانالىقتار عاشىقتار كۇنىن اتاپ وتەدى

استانا. قازاقپارات - 15- ساۋىردە قازاقستاندا قوزى كورپەش پەن بايان سۇلۋ كۇنى اتالىپ وتىلەدى. ۇلتتىق مەرەكە عاشىقتار كۇنىنىڭ بالاماسى بولىپ تابىلادى جانە قوزى كورپەش پەن بايان سۇلۋ، ەڭلىك پەن كەبەك، تولەگەن مەن قىز جىبەكتىڭ اراسىنداعى شىنايى ماحابباتتىڭ سيمۆولى. بيىل مەرەكە اياسىندا ەلوردادا ءبىرقاتار شارالار ۇيىمداستىرىلادى،

  دەپ حابارلادى astana.gov.kz.

15- ءساۋىر كۇنى ساعات 11:00-دە ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە تەاتر جانە كينو ارتىستەرىنىڭ قاتىسۋىمەن «جۇلدىزدى جۇپتارمەن جۇزدەسۋ» كەشى وتەدى.

سونداي- اق، ساعات 19:00-دە «حان شاتىر» ساۋدا ويىن- ساۋىق ورتالىعىنىڭ «اتريۋم» زالىندا ۇلكەن مەرەكەلىك كەش ۇيىمداستىرىلماق. كونسەرتكە قازاقستان ەسترادا انشىلەرى قاتىسىپ، جاس جۇبايلاردىڭ نەكەسى قيىلادى.

سول كۇنى ساعات 21:00-دە عاشىقتار ساياباعىندا اۋە شارلارى ۇشىرىلادى.

 بۇدان باسقا، Facebook جانە Instagram الەۋمەتتىك جەلىلەرىندە «ەڭ ۇزدىك ماحاببات داستانى» تاقىرىبىنا تۇسىرىلگەن ۇزدىك بەينەروليك پەن قوزى كورپەش پەن بايان سۇلۋ كۇنىنىڭ لوگوتيپىنە بايقاۋ جاريالاندى. جەڭىمپازداردىڭ ەسىمدەرى ەرتەڭ بەلگىلى بولادى.