وسكەمەندىك شەبەر قازاق تاريحىنداعى تۇلعالاردىڭ ءمۇسىنىن اعاشتان ويىپ جاسايدى - كەسكىن

استانا، قازاقپارات - وسكەمەندىك شەبەر يۋريي كوستانيانتس ەل تاريحىنان ويىپ ورىن الاتىن تۇلعالار مەن ۇلتتىق قۇندىلىقتارعا قاتىستى بۇيىمداردى اعاشتان ويادى، دەپ جازادى «حابار» ارناسى.

ۇلتى ارميان بولعانىمەن، بۇكىل تاعدىرى قازاق ەلىمەن بايلانىستى شەبەر ءوز تۋىندىلارىندا نەگىزىنەن ۇلتارالىق بىرلىكتى بەينەلەيدى ەكەن. يۋريي كوستانيانتستىڭ اعاشتان ءمۇسىن مەن ءتۇرلى دۇنيەلەر جاساۋمەن اينالىسقانىنا 40 جىل بولعان. تۋىندىلارىنىڭ باسىم بولىگى تاريحي تۇلعالار مەن ۇلتتىق قۇندىلىقتارعا باعىتتالعان. نەگىزىنەن قازاقتىڭ حاندارى مەن باتىرلارىنىڭ مۇسىندەرىن ويعاندى ۇناتادى. «ءاربىر ءمۇسىندى جاساماس بۇرىن ول تۇلعانىڭ ءومىرى مەن تاريحتاعى ورنىن زەرتتەپ الام»، - دەيدى.

«بۇگىنگە دەيىن قازاق ەلىنىڭ تاريحىنا قاتىستى تۇلعالار مەن ۇلتتىق قۇندىلىقتارعا قاتىستى دۇنيەلەردەن كوپ نارسە جاسادىم. ەندى ءاربىر حالىقتىڭ ۇلتتىق ەرەكشەلىگىن ايشىقتايتىن تۋىندى جاساۋدى جوسپارلاپ ءجۇرمىن»، - دەيدى ول.

يۋري ارمەنيادا تۋسا دا، قازاقستاندا ءوسىپ-ءونىپ، ءبىلىم الدى. سوندىقتان شىعارمالارىنىڭ دا نەگىزگى وزەگىن قازاق حالقىنىڭ كەشەگى تاريحى مەن بۇگىنگى تاۋەلسىز قازاقستانداعى ۇلتتاردىڭ بىرلىگىنە ارناعان. يۋريي كوستانيانتستىڭ ءۇيى قازىر مۇراجاي ىسپەتتەس. ال اعاش شەبەرى بۇگىندە بۇل ونەرىن مەكتەپ وقۋشىلارىنا ۇيرەتىپ ءجۇر.

ءمۇسىنشىنىڭ تۋىندىلارى كوشپەندىلەر ومىرىمەن تىكەلەي بايلانىستى بولعاندىقتان، ەۋروپا ەلدەرىندەگى كورمەلەردە وتە جوعارى باعالانادى. بولاشاقتا تاريح پەن ەلدەگى تاتۋلىقتى بەينەلەيتىن تاعى 70 كە جۋىق جاڭا دۇنيە جاساپ، جەكە مۇراجاي قۇرۋدى جوسپارلاپ وتىر.