ا ق ش قورعانىس مينيسترلىگى پىلدەردى جارىلعىش زات ىزدەۋگە ۇيرەتپەك
پىلدەردى جارىلعىش زات ىزدەۋگە ۇيرەتۋ يدەياسى تاجىريبە بارىسىندا كەلگەن. 2002 -جىلى انگولادا ازاماتتىق سوعىس اياقتالعان كەزدە كوپتەگەن جەرلەر مينالانعان كۇيى قالعان. ادامدار سول جەرلەردەن پىلدەردىڭ قاشاتىندىعىن بايقاپ قالادى. ال اسكەريلەر جانۋارلار جارلىعىش زات بار جەردەن قاشىپ جاتىر ما الدە باسقا پىلدەر ءولىپ قالعان جەرلەردەن قاشىپ جاتىر ما، سونى انىقتاماق بولادى. وسىنى زەرتتەۋ ءۇشىن پەنتاگون DARPA عا قاراجات بولگەن، دەپ جازادى شەتەلدىك ب ا ق.
زەرتتەۋ بارىسىندا بەلگىلى بولعانداي، پىلدەر جارىلعىش زات جاسىرىنعان 74-ايماقتىڭ 73 ىن تاپقان! تەستىلەۋدىڭ كەلەسى كەزەڭىندە عالىمدار پىلدەرگە قوسىمشا شاي مەن جانارماي يىسكەتىپ، كوڭىلىن باسقا جاققا اۋدارماق بولادى. الايدا ولار بارلىعى جاسىرىن 23-ايماقتىڭ 23 ىن بىردەي تابادى.
وسىلايشا، پىلدەر جارىلعىش زات قويىلعان ايماقتى بىردەن انىقتاي الادى دەگەن قورىتىندىعا كەلگەن. ەندىگى ماسەلە جانۋارلاردىڭ تىم ءىرى ءارى اۋىر بولۋىندا. سەبەبى ولاردى يت سياقتى اسكەري الاڭعا ەرتىپ شىعا الۋ مۇمكىن ەمەس. سوندىقتان دا اسكەريلەردە ەكى تاڭداۋ بولىپ تۇر: ءبىرى پىلدەردى وزدەرىمەن بىرگە الۋ بولسا، ەكىنشىسى ولاردىڭ بۇل قابىلەتتەرىن باسقاشا پايدالانۋ. ءبىرىنشى جاعدايدا ۇشقىشسىز باسقارىلاتىن ۇشۋ اپپاراتى ارقىلى جارىلعىش بولۋى مۇمكىن زاتتى انىقتاۋ ءۇشىن دەرەۋ پىلگە جەتكىزۋ كەرەك بولسا، ەكىنشىسى ءالى زەرتتەۋدى تالاپ ەتەدى. سەبەبى ەكىنشى جاعدايدا پىلدەردىڭ يىسكەۋ قابىلەتىن پايدالاناتىن قۇرىلعى جاساپ شىعارۋ كەرەك بولادى.
